Zaur USTAC: GƏL ÖYRƏT MƏNİ şeiri

aaaaaaaaaaaaaaaaaa

GƏL ÖYRƏT MƏNİ
Düşmüşəm hüsnünün sehrinə inan,
Çox azdır bu incə mətləbi qanan,
De görüm qövr edib, alışıb yanan
Odlu bir yaraya su səpərsənmi?
* * *
İncə bir təbəssüm aparır məni,
Qovursan dünyamdan dumanı, çəni
Allahım bir mələk göndərib səni
Şəfalıq bir kəlmə söz deyərsənmi?
* * *
Xəstənin dərdinə dərman təbibim,
Ağzında dili bal, şəkər həbibim,
Səndən nə gizlədim, var bir eyibim,
Bisavad Zaura dərs verərsənmi?

06.11. 2009. Bakı.

Müəllif: Zaur Ustac
© Zaur USTAC,2016. Bakı.
Əlavə olaraq videolar burada:
https://www.youtube.com/zaurustac

Advertisements

Pəri: Görən yaddaşında necə qalmışam???

14485143_1865327013696127_829865129484703512_n

Görən yaddaşında necə qalmışam,
O kövrək baxışlı qara qız kimi,
Yoxsa,yanağına yaraşıq verən
Laləyə yaraşan xallı qız kimi.

Bilirəm sevirdin uzun saçını,
Uzun kipriyini,qara qaşını,
Görəsən sən onu necə sevmişdin,
İndi unutmusan onun yaşını.

O sən sevən qızın qara saçları,
İndi də bəmbəyaz qara bənzəyir,
Atəşli alov tək yanan gözləri,
İlləri ötürüb səni gözləyir.

Sənli günlərindən bir iz salaraq,
Üzündə illərin qırışı qalıb,
Hər dəfə gözləri dolub qalaraq,
Baharı soldurub,sərt qışı qalıb.

Dərdi qucaqlayıb sinəsi üstə,
Söz qoşur sinədən hər biri bəstə,
Könlü bir quş təki qalıb qəfəsdə,
Səsləsən dağıdar,qəfəsdən uçar.
© Pəri.

Müəllif: Pari Azimova

Bu dəfə “DÖRD SUAL” -ı Zaur USTAC özü cavablandırdı:

20150624_110553-d0bad0bed0bfd0b8d18f

“DÖRD SUAL” -ı  Noyabır  ayı  üçün cavablandırmaq bu dəfə Zaur Ustacın öhdəsinə düşdü:

– Saalam, Zaur müəllim!

–  Salam!

-“YAZARLAR” jurnalı olaraq, YAZARLAR.AZ –da  yayımlanmaq şərti ilə oxucu zövqünü formalaşdırmaq, oxucuların mütaliəsini istiqamətləndirmək,  əsasən də yeniyetmələrdə,  gənclərdə,   mütailə vərdişlərinin formalaşmasına  məqsədyönlü  şəkildə təsir  göstərmək  üçün  aşağıdakı DÖRD sualı cavablandırmanızı  xahiş edirik:

– Buyurun!

-İlk oxuduğunuz kitab hansıdır?

– “Qızıl Şamdan” – nağıl kitabı.

– İlk oxuduğunuz iri həcmli kitab hansıdır?

– “Koroğlu”  dastanı.

– İlk oxuduğunuz çoxcildli kitab hansıdır?

– “Min bir gecə nağlııarı” .

– İlk oxuduğunuz xarici ədəbiyyat nümunəsi hansıdır?

– Jül Vern “Kapitan  Qrantın uşaqları” .

– Sualları cavablandırdığınız üçün təşəkkür edirik. Sağ olun!

– Sağ olun!

Zaur USTAC :GÖYLƏR YERƏ HƏSRƏT

11665567_690163591116783_620750621210605007_n

GÖYLƏR YERƏ HƏSRƏT

 

Göylər Yerə həsrət, Yer də Göylərə,

Çox əllər,  uzalı qalıb əllərə,

Bülbülər, nəğmələr deyib güllərə,

Sevda pətəyindən bal süzən çox az….

*    *    *

Buludlar, göylərdə  birikən  həsrət,

Cadarlar, torpağı yaxan vüsalət,

Bir yağış damlası, torpağa “qismət”,

Həşirli dağ çayı, varsa da  çox az….

*    *    *

Ustac, sən külək bil, o Göyün əli,

Ormanlar, çəmənlər torpağın teli,

Dumduru irmaqlar, şipşirin dili,

Şimşək, odlu  öpüş, bilənsə çox az…

22.11.2016. Bakı.

Müəllif: Zaur Ustac
© Zaur USTAC,2016. Bakı.
Əlavə olaraq videolar burada:
https://www.youtube.com/zaurustac

 

 

 

 

 

Zaur USTAC : YARADAN şeiri

images-1

YARADAN

Kimi yerdə gəzir, kimisi göydə,

Qüdrət nə yaşılda, nə də ki, göydə,

Yer də ona möhtac, asılı göy də,

Zərrədə var olan gücdü Yaradan….

*     *     *

Biz bilən ölçülər büsbütün yaddır,

Çoxunun bildiyi quruca addır,

Sərhədsiz, hüdudsuz qurucu zatdır,

Bir “ol” – da var olan gücdü Yaradan….

*     *     *

Ruhuna min rəhmət,  ya Seyyid Əli!

Yol açdın Ustaca olmadı dəli,

Dedin ki, hər insan özünə vəli,

Feli bizdən alan gücdü Yaradan….

11.11.2016 (11:11) Bakı.

Müəllif: Zaur Ustac
© Zaur USTAC,2016. Bakı.
Əlavə olaraq videolar burada:
https://www.youtube.com/zaurustac

GÜLÜ : ÜÇ RƏNGLİ BAYRAĞIM.

 

1429188197_3003944_11017520_1548334315455078_7282721261367694482_n

GÜLÜ (GÜLÜZƏ MUSTAFAYEVA): ÜÇ RƏNGLİ BAYRAĞIM.

Qədimdə insanlar öz tayfalarına bayraq seçirdilər.Bayrağa həm də sancaq deyirdilər.Qədimdə Türk sancağının üzərində qurd şəkli var idi.

Azərbaycanın Dövlət bayrağı ilk dəfə 1918- ci il Noyabrın 9- da Azərbaycan Xalq Cümhuriyyəti Hökümətinin qərarı ilə qəbul edilib. Üçrəngli bayrağımız 2- ci dəfə 1990-cu il noyabrın 17-də Naxçıvan Muxtar Respublkası Ali Məclisin Sədri Heydər Əliyevin təşəbbüsü və rəhbərliyi ilə keçirilən sesiyada Naxçıvan Muxtar Respublikasının Dövlət bayrağı olaraq təsdiq edilib. 1991-ci il fevralın 5-də Azərbaycan Respublikasının Ali Soveti “Azərbaycan Respublikasının Dövlət bayrağı haqqında” Qanun qəbul edərək onu Dövlət bayrağı elan edib.

2009-cu il noyabırın 17-də Prezident İlham Əliyev Azərbaycanda Dövlət Bayrağı Gününün təsis edilməsi haqqında sərəncam imzalamışdır. Sərəncama əsasən hər il 9 noyabr Azərbaycanda Dövlət Bayrağı Günü kimi qeyd olunur.

Mavi rəng – Azərbaycan xalqının türk mənşəli olmasını,

Qırmızı rəng – müasir cəmiyyət qurmaq, demokratiyanı inkişaf etdirmək istəyini,

Yaşıl rəng – islam sivilizasiyasına mənsubluğunu ifadə edir.

Bayrağımız qürur mənbəyimizdir! Ulu öndər bayrağımız haqqında demişdir: – “Azərbaycan bayrağı sadəcə bayraq deyil. O, bizim dövlətçiliyimizin, müstəqilliyimizin rəmzidir.”

Ölkəmizdə bayrağa yüksək qiymət verilir. 2007 – ci il noyabrın 17 – də Bakıda Dövlət Bayrağı Meydanının yaradılması haqqında Prezident İlham Əliyev tərəfindən sərəncam imzalanıb. Meydanın təntənəli açılışı 2010 -cu il sentyabrın 1 – də Azərbaycan Respublikasının Prezidenti cəab İlham Əliyev tərəfindən keçirilmişdir.

Ginnes Dünya Rekordları Təşkilatı 2010 -cu il mayın 29 -u Azərbaycanın Dövlət bayrağı dirəyini ən hündür bayraq dirəyi olduğunu təsdiq edib.

Mən bayrağımı çox sevirəm!!!

Müəllif: Guluza Mustafayeva

Mənbə:

http://yazar.in/yazi_uch-rengli-bayragim_3234.html

Əlavə olaraq:

Zaur USTAC : TARIM (TAR) şeiri

tarssssss.jpg

 

TARIM (TAR)

Sarı simə çox toxunduq,

Daha tarda tel qalmayıb….

Mizrab vurmaqdan yorulduq,

Barmaqda da fel qalmayıb….

*    *    *

Tel incisə səs xoş çıxar,

Fel kəm olsa səs boş çıxar,

Mizrab sınsa, lap quş  çıxar,

Çanaqda da hal qalmayıb….

*    *    *

Ustac, qınamır aşığı,

Tanır, sınamır aşığı,

Kəllə, saxlamır aşığı,

Pərdə tutan qol qalmayıb….

28.10.2016. (12:07) Bakı.
© Zaur USTAC,2016. Bakı.
Əlavə olaraq videolar burada:
https://www.youtube.com/zaurustac

Müəllif: Zaur Ustac