ZAUR USTAC – “LAZIM” GƏLSİN…

hqdefault

“LAZIM” GƏLSİN…
(Lazım gəlsə...)
Ya ağ olub, ya da qara,
İstəyirəm, bozum gəlsin…
Dar quranlar, salıb tora,
İstəyirəm, çözüm gəlsin…
* * *
Cümlə-cahan batıb qara,
Təbiət də çəkib dara,
İnsan oğlu möhtac qora,
İstəyirəm, Yazım gəlsin…
* * *
Bixəbər, nanəcib gəlib,
Soylu gəlib, nəcib gəlib,
Haram gəlib, vacib gəlib,
İstəyirəm, “Lazım” gəlsin…
* * *
Bəşər itirib həvəsi,
Yox hal, tükənib nəfəsi,
Bizi yorub tütək səsi,
İstəyirəm, sazım gəlsin…

* * *
Ustac verər, düzə dəyər,
Haqq bildiyin, üzə deyər,
Sazı öyər, sözü öyər,
İstəyirəm, bizim gəlsin…

16.01.2018. (13:00 – 10’) Bakı.

Müəllif: Zaur Ustac
© Zaur USTAC,2018. Bakı.
WWW.YAZARLAR.AZ və WWW.USTAC.AZ

Advertisements

SADİQ QARAYEV NAMİZƏD OLDU.

32350142_121024032101235_488715987785351168_n

MƏŞHUR ALİM, TANINMIŞ YAZIÇI, QARAYEV SADİQ QURBAN OĞLU  İctimai Televiziya və Radio Yayımları Şirkəti (İTV) baş direktoru vəzifəsinə namizəd oldu: 

İctimai Televiziya və Radio Yayımları Şirkəti (İTV) baş direktorunun səlahiyyətlərinə vaxtından əvvəl xitam verilməsi ilə əlaqədar bu vəzifəyə seçilmək üçün namizədlərin sənədlərinin qəbulu başa çatıb. Namizədlər içində MƏŞHUR ALİM, TANINMIŞ YAZIÇI, QARAYEV SADİQ QURBAN OĞLU var. Gənc alimə bu yolda uğurlar arzu edir və məhz onun namizədliyinin təsdiq olunacağına inanırıq. Namizədlərin tam siyahısı belədir:

Soyadı, adı, atasının adı

Hal-hazırda işlədiyi müəssisə

1

Abbasov Rauf Müzəffər oğlu

Gəncə regional fövqəladə hallar və

mülki müdafiə şöbəsi, rəis müavini

2

Abbasov Səbuhi Mübariz oğlu

7news.az saytı, baş redaktor

3

Mehrəliyeva Şəfəq Akif qızı

ADA Universiteti, aparat rəhbəri

4

Mehtiyeva Rahilə İbrahim qızı

Elit informasiya agentliyi, MMC

baş direktor

5

Xəlilova Qərənfil Əli qızı

Hazırda işsizdir

6

Qarayev Sadıq Qurban oğlu

AMEA Mərkəzi Nəbatat

Bağı, elmi işçi

7

Qasımov Balakişi Ələkbər oğlu

İctimai Televiziya və Radio Yayımları

Şirkəti, baş direktorun müavini

YAZARLAR.AZ

İLKİN MƏNBƏ:  https://oxu.az/society/259240

ZAUR USTAC VƏ TUNCAY MİRZƏ ƏLƏKBƏR SABİRİN EV MUZEYİNDƏ – ŞAMAXI.

13339441_840506426082498_2198320282828274833_n

RUHUN ŞAD OLSUN, USTAD… BU AY SƏNİN AYINDI…  “RAMAZAN” VƏ “QAZAN” SÖZLƏRİ İLƏ TANIMIŞIQ SİZİ… SONRA ANLADIQ Kİ, İLK BAXIŞDA SADƏ GÖRÜNƏN BU SÖZLƏRDƏ ÇOX GİZLİ MƏTLƏBLƏR VAR İMİŞ… BİLİRƏM Kİ, RUHUNUZ HEÇ CÜR ŞAD OLA BİLMİR, ANCAQ ÇALIŞIN HEÇ OLMASA SAKİTLİK TAPASIZ.. HƏRDƏN MƏN DƏ DÜŞÜNMƏK İSTƏYİRƏM VALLAH, biz  DÜZƏLƏN zzz DEYİLİK… ANCAQ, TEZ BU FİKİRDƏN DAŞINIRAM, ÇÜN … YARADAN YARDIMÇIMIZ OLSUN, USTAD… BİZƏ ELƏ BİR GÜLÜŞ BƏXŞ EDİB GETMİSİZ Kİ, TƏBƏSSÜM DODAQLARIMIZDAN ASILI QALIB.

Müəllif: Zaur Ustac

ADİL CƏFAKEŞ -DİLİ BU EŞQİN .

26838f2db0

DİLİ BU EŞQİN

Elə susdurubsan, həniri yoxdu,
Tamam lal olubdu dili bu eşqin.
Düşmür nə bir nota, nə bir pərdəyə, 
Bəmdən də bəm olub, zili bu eşqin.

Sanma ki, özgəyə, yadadır gözəl,
Ünvanı sən adlı adadır gözəl.
Duya bilmirəm ki, nə dadır gözəl,
Darçını bu eşqin, hili bu eşqin.

Sənin ürəyindir dəfn olunan yer,
Adiləm, er oldu bu qətl, çox er.
Namazın qılginən, fatihəsin ver,
Artıq tamam oldu ili bu eşqin.

Müəllif: Adil Cefakes

ƏBÜLFƏZ ÜLVİ – DEYİL – ŞEİR.

1361714729_t1cda74ab2-e1cb-41cc-a97e-b394aa3e5b95

DEYİL

Şairə Rahilə Dövranın 
“Sənə bənd oldum”şeirinə

Kimə bənd olduğun bəllidir, bacı,
Bu bir xoşbəxtlikdir, bu bir qəm deyil.
Qardaşım olduğu deyil sirr, bacı,
Bilirəm hansısa əqli kəm deyil.

Bu gün düşünmüşəm çoxdan da xeyli,
Sevda ola bilməz sizdən gileyli,
Biriniz Məcnunsuz, biriniz Leyli,
Amma heç biriniz gözü nəm deyil.

Bu eşq Rəbb tərəfdən dəstəklənibdi,
Sanki üstünüzə məst ələnibdir,
Taleniz sevincə bəstələnibdi,
Şükür, talenizə qəm həmdəm deyil.

Bəxtiyar olmaq var qismətinizdə,
Uyur bir-birinə ismətiniz də,
İnana bilmərəm xislətinizdə,
Kim desə sən Həvva, o Adəm deyil.

Qovdunuz yol üstdən toz, dumanları,
Kurs açın, öyrədin eşq umanları,
Ülvi ayıq başla deyir bunları,
Vallahi, billahi sərxoş, dəm deyil.
29.05.2018.

Müəllif:  Ebulfez Eliev