ZAUR USTAC – SƏHVLƏRİMİZ.

26838f2db0

SƏHVLƏRİMİZ

 

Adəmlə başladıq səhv eyləməyə,

Bir alma dəyişdi qədərimizi…

Sevinci bölməyə dost axtarmadıq,

Paylaşmaq istədik kədərimizi…

*     *     *

Səhv bir mi, iki mi,  sayasan bir-bir…

Səhvi səhv üstünə yığdıq hər zaman…

Zaman çox dəyişdi, dəyişdi nə var,

Ancaq, xasiyyətin dəyişmir insan…

*     *     *

Kağız bəxş eylədi, yazaq, oxuyaq,

Öpüb göz üstünə qoyurduq onu…

Ayaq uzatmağı günah bilirdik,

(Ağız, burun sildik, bəs eyləmədi…)

İndi haralara vurmuruq onu???

*     *     *

Dəyərlər aradan çıxır birbəbir,

Çörək də müqəddəs sayılmır daha…

Səhvlər qalaq-qalaq yığılır, artır,

Bədəllər ödənir ömürdən baha…

*     *     *

Bakir yox, bəkarət axtara indi,

Xeyir – bərəkət də çəkilib ərşə…

Dədədən, babadan qalma inanclar,

Ucqar bir  komada  bükülüb fərşə…

*     *     *

Ulaqla yabıdan döl tutan insan,

Heyvanı bitkiyə calaq eylədi…

Siçanla, pişiklə izdivac edib,

Gül kimi övrətin talaq eylədi…

*     *     *

Olub keçənlərin yazsaq hamısın,

Nə qələm tab eylər, nə kağız çatar…

Arif ilk kəlmədən duyar mətləbi,

Boşboğaz boşuna boğazın yırtar…

*     *     *

Yol-iriz doludu, biz tökən mıxla,

İndi addımbaşı ayağa batır…

Qazana bişməyə nə atmışıqsa,

Bişəndə özünü qaşığa atır…

*     *     *

Haqqın nizamını heçə sayanlar,

Çox dəqiq nizamın zərrəsiyik biz…

Bu  gün  qarşımıza çıxar həmişə,

Dünəndən aynaya düşən əksimiz…

 

07.08.2018. Bakı.

Müəllif: Zaur Ustac

.© Zaur USTAC,2018. Bakı.
WWW.YAZARLAR.AZ və WWW.USTAC.AZ
#zaurustac #zaur #ustac #yazarlar #sevin_ki_seviləsiz

Advertisements

29 İYUL – Təqvimdə bu gün “Təhminə və Zaur” günü kimi qeyd  olunur

tahminazaurvmeste

 

29 İYUL – Təqvimdə bu gün “Təhminə və Zaur” günü kimi qeyd  olunur29 İyul günü Təhminə  və  Zaur nəhayət ki,  görüşdülər, bu günü SEVGİ, VÜSAL Günü kimi qeyd etdilər…. Bu gün Təhminə və  Zaurun  həsrətinin son bulduğu gündür…. Onlar ilk görüşdəcə elə görüşdülər ki, elə bil, yüz il idi bir-birilərini  tanıyırdılar… İlk görüşdəcə Zaur Təhminəni Kərəm yanğısı ilə bağrına basıb, ehtiraslı səslə qulağına pıçıldadı: – “Təhminəm sən bu vaxta qədər harada idin? – Niyə bu qədər gec gəldin, Təhminəm? – Düz qırx il çəkdi sənin gəlməyin, Təhminəm….”  ardı  burada:  https://yazarlarsite.wordpress.com/2016/07/31/29-iyul-t%C9%99hmin%C9%99-v%C9%99-zaurgunu/

İLKİN  MƏNBƏ:

29 İYUL “TƏHMİNƏ VƏ ZAUR”günü

 

 

 

“YAZARLAR”-I OXUYAN ÖLKƏLƏR

WWW.YAZARLAR.AZ  HAQQINDA MARAQLI STATİSTİKA:

devlet

2018 – ci ilin ilk 6 ayının nəticələrinə əsasən belə bir statistika bizim üçün də maraqlı idi. Bizi hansı ölkədə daha çox oxuyurlar. 28.07.2018 saat 11:00 – a olan məlumata əsasən statistik cədvəl yuxarıda verilmişdir. Çox maraqlı ilk doqquzluq formalaşıb. İlk üçlük Azərbaycan, ABŞ və Türkiyədən ibarətdir. Düşünürük ki, ABŞ – ın  sırada dördüncü olan Rusiyanı və hətta Türkiyəni qabaqlayıb ikinci olması Amerikada yaşayan türkdilli həm vətənlərin Azərbaycan həsrətindən və təəssübkeşliyindən qaynaqlanır. İlk doqquzluq belədir:

  1. Azərbaycan
  2. ABŞ
  3. Türkiyə
  4. Rusiya
  5. Hindistan
  6. İrlandiya
  7. Almaniya
  8. Gürcüstan
  9. Ukrayna.
  10. ……. Ölkələr kateqoriyasında ən maraqlı məqam demək olar ki, həmən-həmən Afrikanın bütün ölkələrindən bir dəfə olmuş olsa belə ziyarət var.

Statistikanın ikinci maraq obyekti  haradan daha çox keçid olması idi.  Təbii ki, bütün digər saytlarda olduğu kimi burada da  liderlik Facebooka məxsusdur:

dev

Çox maraqlı halla qarşılaşdıq, cədvəldən də göründüyü kimi Facebook hətta ümumilikdə digər bütün axtış sistemlərindən gələn keçidlərin cəmini də əhəmiyyətli dərəcə də qabaqlayır. Bu onu göstərir ki, Facebook  elektron kütləvi informasiya vasitələrinin əsl  hamisi, onları ayaqda saxlayan dayaqdır. Onu da əlavə etsək ki, bu statistik məlumat, heç bir reklam və maddi marağı olmayan ədəbiyyat saytına aiddir. Bu halda daha maraqlı təəssüratlar oyanır. İndi gələk statistikanın üçüncü sualına ən çox hansı söz axtarılıb. Bu cavab insanı daha çox duyğulandırır. “ANA” sözü, “ANA” şeiri axtarışı ən çox axtarılan  kəlmə olub.

YAZARLAR.AZ

 

23 İYUL – “BİZ NİYƏ ÖLMÜRÜK???”

13709828_868281526638321_2286484615479056850_n — копия

… SADƏCƏ  OLARAQ  DEMƏYƏ,  YAZMAĞA  SÖZ  YOXDUR….

Dədə Ələsgərdən  bir misra xatırlatmaq istəyirəm:

 

“Arsız aşıq elsiz necə yaşadı,

Ölsün Ələsgər tək qulların, dağlar…”

 

O vax çərxi-fələk elə dövran etdi ki, Ustada yurda dönüb, torpağa qovuşmaq nəsib oldu. Bizim nəsibimizdə bu xöşbəxtlik varmı görəsən ??? Mənim evimin bugünkü vəziyyəti:

 

23 İYUL 2018.  Bakı. (Xəzərin sahilinə çatmışıq…)

Müəllif: Zaur Ustac

Kişilər var, çoxdu qağa – Nəcibə İlkin.

 

coban

(Bir nəfər  “kişilər yoxdu” deyənə…)

Kişilər var, çoxdu qağa,
Meydan gədəyə verilib.
Yaxşı çəkiilibdi yoxa,
Tükləri bir-bir dərilib.

Ulağımız arpa yeyib,
Sonra dönüb olur qatır.
Şir dovşanın ümidində,
At samanla başın qatır.

Pələngin ağzı göydədi,
Özünə bir yal axtarır.
Çaqqal daha leş bəyənmir,
Göylərdə qartal axtarır.

Tısbağa qınından çıxıb,
Lüt-üryan gəzir ortada,
Qurbağadan bala tutub,
Sonra gedir “Məşdibada”.

Dovşanın kələyin kəsib,
Meşənin şiş tazıları.
Canavar libasın geyib,
Yırtıb, deşir quzuları.

Qarğaların qarıltısı,
Götürübdü düz-dünyanı.
Bülbüllərin səsi batıb,
Yoxdu daha bir amanı!

Pişik itə sığınıbdı,
Sülh istəyir, sülh ay aman.
At cilova gəlməyəndə,
Dərsinə təpilir saman.

Dərdimiz qurtaran deyil,
Səbr kasam dolub daha.
Yazdıqca da çoxalır, bil,
Amanımız yoxdu qağa.

Əyilib, əyilməz başlar,
Bir ucdan çəkilir dara.
Yuvasın tanımır quşlar,
Yem olubdu bayquşlara.

 

Müəllif:  Necibe Ilkin

KİTABI BAĞLANAN YOL – BALAYAR SADİQ.

35332504_1306899926109810_2671989005557432320_n

KİTABI BAĞLANAN YOL

Kəndimizə gedən yolların
kitabı bağlanıb,
oxumağa kimsə yox,
yollar kəndimizi oxuyur indi.

Kəndimizin oxumaq həvəsini
biz öldürdük
oxuduğumuz kitablarla…
hər gün bir kitab ayrıldıq
kənddən
kəndi kitabsız qoyduq…

Kitabla kənd arasında
göydələn meşələr,
dənizlər, limanlar,
Qibləyə gülümsəyən
səhra yolları,
Qoca Şərqin göz yaşlarında
yuyunan şeytan təbəssümü,
Hökmdarların hakimiyyət qorxusu
bir ovuc adam,
bir qurtum it,
çidarlanmış zaman,
alnını ovuşduran Şuşa,
Allaha yetməyən məktublar
və mən
və mənim gözlərimdən
tökülən bu şeir
və bir də
önümdə kitabı bağlanan yol….

Müəllif:  Balayar Sadiq

ADİL CƏFAKEŞLƏ GÖRÜŞ – ZAUR USTAC

 

ACZU.

Zaur Ustac “ZİYADAR”-ı  Adil Cefakes -ə təqdim edərkən. 18.06.2018. Badamdar.

Bu gün tanınmış söz adamı, ustad Adil Cəfakeşin qonağı oldum. Görüşümün iki məqsədi var idi. Birinci şairlə görüşüb arxayın söhbət etmək. İkinci “Ağam Alıdı” adlı yeni kitabının işıq üzü görməsi münasibəti ilə layiq görüldüyü “YAZARLAR”-IN YAZARI  “ZİYADAR” MÜKAFATINI təqdim etmək. Hər iki arzum düşümndüyümdən də yaxşı gerçəkləşdi. Bir neçə saat davam edən çox maraqlı söhbətimiz alındı. Sonda mükafatı təqdim edib, xatirə üçün bir foto çəkdirib ayrıldıq. Adil müəllim, uca Yaradan Sizə uzun ömür, can sağlığı  versin. Yazın, yaradın. Uğurlarınız bol olsun.

Müəllif: Zaur Ustac

AĞDAMA GEDƏNDƏ YOLDAŞLI GEDƏK (Zaur Ustaca) – İLDIRIM ƏKBƏROĞLU

 

ev

 

AĞDAMA GEDƏNDƏ YOLDAŞLI GEDƏK
(Zaur Ustaca)

Taparam o yeri,gəzib,lap,şamla
Sel olar gözümdən düşən hər damla.
İzim də göyərər göz yaşlarımla,
Ayrılıq uzundur,ömür-gün gödək
Ağdama gedəndə yoldaşlı gedək.

“Gələrəm!” dediyim neçə il çəkib,
Hənrimi duyacaq,avaz-dil çəkib.
Düşmənin gözünə isti mil çəkib,
Qartal tək qəlbini,bağrını didək,
Ağdama gedəndə yoldaşlı gedək.

Qaçqında gün ağır,köçkündə qara,
Dönüb ürəkləri kül altda qora.
Tay yerdən havadan yol çəkək ora
Xəyal yollarımız qabar,döyənək
Ağdama gedəndə yoldaşlı gedək

İldırım sülh belə olmaz ərzi gəz,
Yumuruq görməsə yağı baş əyməz!
Quduzdan dərrakə ummağa dəyməz,
Qələbə günündə əllərdə çiçək
Ağdama gedəndə yoldaşlı gedək.

 

Müəllif: Ildırım Akberoğlu

ZAUR  USTAC  HAQQINDA  OLAN  KİTABLAR

 

ZAUR  USTAC  HAQQINDA  OLAN  KİTABLAR:

 

1. Hacıxanım AİDA    “ÖMRÜN ANLARI ”  Bakı – 2018. PDF: HXA-OMURAN

2.Hacıxanım AİDA    “OTUZ ŞEİR, OTUZ FİKİR ”  Bakı – 2018. PDF: HXA-OTUZFİKİR

 

YAZARLAR.AZ

13 -Ü NƏS GÜNDÜR, YA SADƏCƏ 12-SİNİN ERTƏSİ GÜNÜDÜR???

13 -Ü NƏS GÜNDÜR, YA SADƏCƏ 12-SİNİN ERTƏSİ GÜNÜDÜR??? – BU SUALA 25 ILDIR CAVAB TAPA BİLMİRƏM. ÇOXLARINA BU MƏTLƏB BOĞAZDAN YUXARI VƏ YA HƏTTA PAFOSLU KİMİ DƏ GÖRÜNƏ BİLƏR. ANCAQ, AND OLSUN UCA YARADANA Kİ, BU BELƏ DEYİL… SADƏCƏ BU SUALA CAVAB VERMƏK ÜÇÜN 25 İL BƏS ELƏMƏDİ… HƏLƏLİK SİZƏ BİR İP UCU VERƏ BİLƏRƏM. MƏNİMİ EVİMİ, BAĞ-BAĞATIMI YÜZ İLLƏRDƏN BƏRİ ATA-BABALARIN QURUB – YARADIB BİZƏ ƏMANƏT  ETDİKLƏRİ HANSISA AXMAĞIN (İFADƏMƏ GÖRƏ ÜZR İSTƏYİRƏM BUNUN BAŞQA ADI YOXDUR HADİSƏLƏRİN BİRBAŞA İŞTİRAKÇISI VƏ ZƏRƏRÇƏKƏNİ KİMİ BUNU TAM MƏSULİYYƏTİ İLƏ VURĞULAYARAQ QEYD EDİRƏM) SƏBATSIZLIĞI UCBATINDAN 2 SAATIN İÇİNDƏ YANIB KÜL OLDUĞU ZAMAN MƏN ƏLİ SİLAHLI (TAM TƏHCİZAT)

13254464_839432916189849_425391914529022743_n

GƏNCƏ – BAKI ARASI GORANIN ÇÖLLƏRİNDƏ (İYUNUN 3 -DƏN, 13 -DƏK 1993-CÜ İL) SƏRGƏRDAN GƏZİRDİM… VƏ HƏMİN GÜNLƏRDƏ NƏYƏSƏ GÖRƏ MƏNİM YURD-YUVAM XARABAZARA ÇEVRİLİRDİ – İNDİKİ VƏZİYYƏT VİDEODA:

13 -Ü NƏS GÜNDÜR, YA SADƏCƏ 12-SİNİN ERTƏSİ GÜNÜDÜR???

Müəllif: Zaur Ustac