ZAUR USTAC VƏ TUNCAY MİRZƏ ƏLƏKBƏR SABİRİN EV MUZEYİNDƏ – ŞAMAXI.

13339441_840506426082498_2198320282828274833_n

RUHUN ŞAD OLSUN, USTAD… BU AY SƏNİN AYINDI…  “RAMAZAN” VƏ “QAZAN” SÖZLƏRİ İLƏ TANIMIŞIQ SİZİ… SONRA ANLADIQ Kİ, İLK BAXIŞDA SADƏ GÖRÜNƏN BU SÖZLƏRDƏ ÇOX GİZLİ MƏTLƏBLƏR VAR İMİŞ… BİLİRƏM Kİ, RUHUNUZ HEÇ CÜR ŞAD OLA BİLMİR, ANCAQ ÇALIŞIN HEÇ OLMASA SAKİTLİK TAPASIZ.. HƏRDƏN MƏN DƏ DÜŞÜNMƏK İSTƏYİRƏM VALLAH, biz  DÜZƏLƏN zzz DEYİLİK… ANCAQ, TEZ BU FİKİRDƏN DAŞINIRAM, ÇÜN … YARADAN YARDIMÇIMIZ OLSUN, USTAD… BİZƏ ELƏ BİR GÜLÜŞ BƏXŞ EDİB GETMİSİZ Kİ, TƏBƏSSÜM DODAQLARIMIZDAN ASILI QALIB.

Müəllif: Zaur Ustac

Advertisements

Bu gün dahi söz ustadı Mirzə Ələkbər Sabirin doğum günüdür.

13339441_840506426082498_2198320282828274833_n

BU FOTO ARTIQ TARIXDIR: 
Bu gün dahi söz ustadı Mirzə Ələkbər Sabirin doğum günüdür. Ad günün mübarək, ruhun şad olsun, Mirzə!!!! Siz sübut etdiz ki, Qələm bütün zamanların fövqündə dayanan and yeri, Söz isə ən qiymətli mirasdır….

YAZARLAR.AZ

SƏNİ – Həqiqət Həqiqi.

13716187_866600963473044_6709336779849909518_n

SƏNİ

Nə gözəl bir tale,nə gözəl həyat,
Ömür vəfa etmir,nə edək heyhat.
Sevirəm əzizim,ol hər an rahat,
Tanrım qəlbimə yar,verəcək səni.

Sevgi hiss etdikcə könlüm olur,şən,
Son nəfəs alarkən göz önümdə,sən.
Məzar torpağında darıxanda mən,
Ruhum toxuyacaq,hörəcək səni.

Dünyanın hər yeri sevgi qoxuyur,
Ürək ritimləri nəğmə oxuyur,
Həqiqət qəlbinə səni toxuyur,
Ruhum tez tapacaq,görəcək səni.

25.05.2018.

Müəllif:Həqiqət Həqiqi

Şuşa – Elnur Qərari.

8 MAY ŞUŞANIN – QALANIN – DÜŞDÜYÜ GÜNDÜR…

10492474_515384861927991_1935368515370670425_n

Şuşa.

Bu gün bir rəsmini gördüm mən sənin,
Necə də saralıb gülün, çəmənin,
Nə yaman küskünsən, qərib vətənim,
Qalmısan qüssəylə, qəmlə baş-başa!
Sənə əsir olmaq yaraşmır, Şuşa!

Qoruya bilmədi səni nadanlar,
Vətən torpağını bölüb satanlar,
Qoynunda doğulan körpə fidanlar,
İndi həsrətinlə dolurlar yaşa!
Sənə əsir olmaq yaraşmır, Şuşa!

Yolumuz bağlanıb, gələ bilmirik,
Qoynunda can verib ölə bilmirik,
Danışa bilmirik, gülə bilmirik,
Baharımlz dönüb əbədi qışa!
Sənə əsir olmaq yaraşmır, Şuşa!

Müəllif:  Elnur Qərari

Zaur USTAC: – OTUZ İLDİ ƏLDƏ QƏLƏM…

otuzb

OTUZ İLDİ ƏLDƏ QƏLƏM…

Otuz ildi əldə qələm,
Söz mülkünə iz salmışam…
Çox əskidən qalma odam,
İndi-indi köz salmışam…
* * *
Heç qorxmadım əziyyətdən,
Yazdım mövcud vəziyyətdən,
Bil, agah ol məziyyətdən,
Əyri geyib, düz qalmışam…
* * *
Nəsimiyəm, Bəhmənyaram,
Hər doğruya, düzə yaram,
Yetərincə olub param,
Artımayıb, az qalmışam…
* * *
Çoxları kükrədi, daşdı,
Aylar ötdü, il dolaşdı,
Fəsillər dəyişdi, Qışdı,
Dəyişməyib, Yaz qalmışam…

* * *
Ustacam, məndən deməkdi,
Qutsal bildiyim, əməkdi,
Bəşərə qalan, köməkdi,
Həp vacibdən söz salmışam…

22.11.2017. (15’) Bakı.
Müəllif: Zaur Ustac

© Zaur USTAC,2018. Bakı.
WWW.YAZARLAR.AZ və WWW.USTAC.AZ
#zaurustac #yazarlaraz #ustacaz #yazar #ustac #azərbaycan #türkiye

BAKI ŞƏHƏRİ, ARİF HÜSEYNZADƏ ADINA 20 NÖMRƏLİ MƏKTƏBDƏ XEYRİYYƏ AKSİYASI KEÇRİLİB.

BU GÜN – 13 MART 2018- Cİ İL TARİXİNDƏ BAKI ŞƏHƏRİ, YASAMAL RAYONU ,ARİF HÜSEYNZADƏ ADINA 20 NÖMRƏLİ MƏKTƏBDƏ XEYRİYYƏ AKSİYASI KEÇRİLİB.29136031_1654918507937281_7049873651123783071_n

Məktəblilər müəllimlərinin və valdideynlərinin köməkliyi ilə öz əl işlərindən ibarət “NOVRUZ YARMARKASI” adlı  xeyriyyə aksiyası təşkil etmişlər. Əldə olunacaq gəliri isə uşaq evlərində yaşayıb, təhsil almağa məcbur olmuş həmyaşıdları üçün xərcləmək niyyətindədirlər. Tədbirdən fotolar:

29186705_1654914917937640_7751975479584300751_n

29103338_1654915684604230_2976317192241155589_n

29132962_1654915904604208_4980372935139609912_n

29135994_1654915397937592_9195977888784919061_n

29179060_1654916071270858_1227308449041303939_n

BELƏ NÜMUNƏVİ TƏDBİRLƏRİN TƏŞKİLİNDƏ BALACALARA GÖSTƏRDİKLƏRİ KÖMƏKLİYƏ GÖRƏ MƏKTƏB RƏHBƏRLİYİNƏ, MÜƏLLİMLƏRƏ VƏ VALİDEYNLƏRƏ TƏŞƏKKÜRÜMÜZÜ BİLDİRİRİK… 

YAZARLAR.AZ

Zaur USTAC: – “DÜNYA  BİR  PƏNCƏRƏDİR…” (Fərid Əhmədovun əziz xatirəsinə ithaf olunur…)

aaaaaaaaaaaaaaaaaaffffffff

“DÜNYA  BİR  PƏNCƏRƏDİR…”

(Fərid Əhmədovun əziz xatirəsinə ithaf olunur…)

 

“Dünya bir pəncərədir”, pəncərən  olsa, qardaş…

De, heç vaxtın oldumu, pəncərədən baxmağa,

Bir-iki, tələm-seyrək, boylanmağı saymasaq…

Yuxunu görmək üçün vaxt lazımdı yatmağa,

O da, Sən də yox idi, işin-gücün çox idi…

Çoxunun gözü ackən, Sənin gözün tox idi…

*        *        *

Yuxusuz gözündəki bu hüzn nədi, qardaş???

Yeddi ürək  gərəkdi,  baxışına baxmağa,

Qəlb adlı əzamızı,  qan vurmağı  saymasaq…

Bizdə ürək nə gəzir,  gözümüz yox baxmağa,

O ürək Səndə idi, baxışların ox idi…

Çoxunun  haqqı  yoxkən,  Sənin haqqın  çox idi…

*        *        *

“Nə yatdın ki, nə yuxu”,  görəsən, əziz qardaş….

Yaradan yaratmışdı, Səni oyaq qalmağa,

Ayaqüstü, sırada,  göz qırpmağı saymasaq…

Yaranmışdın süzməyə, yaranmışdın dalmağa,

Düşüncə, dərin ümman, zehin, iti ox idi…

Çoxunda  beş-beş olan, Səndə biri yox idi….

*        *        *

Damarda coşdu qanın, ürək dözmədi, qardaş…

Dizindəki təpərin bəs eylədi qalxmağa,

Dostlarının toyunda oynamağı saymasaq,

Toy-düyün də görmədin, oturmağa-qalxmağa,

Ərgənlənmiş ər idin, bəy otağın yox idi…

Çoxu sayın bilmirdi, Sənin biri yox idi…

*        *        *

İgid oğlu, ər idin, bilənlər bilir, qardaş…

Sənin etdiklərini ehtiyac yox saymağa,

Arada qəmli-qəmli bu baxmağı saymasaq,

Eyibin də yox idi,  barmaq ilə saymağa,

Yan-yörədə bildiyin, nacis, naqis çox idi…

Bilən bilir qardaşım, Sənin mislin yox idi….

21.01.2018. Bakı. (13:33-15’)

Müəllif: Zaur Ustac
© Zaur USTAC,2018. Bakı.
WWW.YAZARLAR.AZ və WWW.USTAC.AZ

#zaurustac #yazarlaraz #ustacaz #yazar #ustac

TƏQVİMDƏ BU GÜN : – 19- YANVAR ŞƏHİDİMİZ – AZƏRBAYCAN ORDUSUNUN GƏNC ZABİTİ FƏRİD ƏHMƏDOVUN DOĞUM GÜNÜDÜR….

aaaaaaaaaaaaaaaaaaffffffff

DÜNYA BİR PƏNCƏRƏDİR….

TƏQVİMDƏ BU GÜN – Fərid Əhmədov 1986-cı il yanvarın 19-da Cəlilabad rayonunda anadan olub. 2003-cü ildə Cəlilabad şəhərində Nizami adına 1 saylı orta məktəbi bitirib. Həmin il Heydər Əliyev adına Ali Hərbi Məktəbə daxil olub. 2007-ci ildə oranı leytenant rütbəsi ilə bitirib. 2007-2008-ci illərdə Təlim-Tədris Mərkəzində təkmilləşdirmə kursu keçib. 2008-2009-cu illərdə Gəncədə zabit kimi hərbi xidmət keçib.

2010-cu il sentyabrın 3-dən 4-nə keçən gecə Tərtərin Çiləbürt kəndi yaxınlığındakı döyüşdə şəhid olub. Birbaşa döyüş xəttində həlak olduğu üçün Fərid Əhmədovun meyiti düşmən tərəfdə qalıb və yalnız noyabrın 6-da Ermənistan və Azərbaycan tərəflərinin razılaşmaları nəticəsində qaytarılıb.

Prezidentin sərəncamı:
2010-cu il noyabrın 7-də Prezident İlham Əliyev baş leytenant Fərid Gülağa oğlu Əhmədovun “İgidliyə görə” medalı ilə təltif edilməsi (ölümündən sonra) haqqında sərəncam imzalayıb. Sərəncama əsasən, şəhid Fərid Əhmədov bu medala hərbi borcunu həyatı təhlükə altında yerinə yetirərkən igidlik göstərdiyinə görə layiq görülüb

Xatirəsi Əbədiləşdirilib:
2014-cü ilin yanvar ayında şəhid Fərid Əhmədovun ömür yoluna həsr olunmuş “Hay ver mənə, leytenant” filminin təqdimat mərasimi keçirilib.

ALLAH ŞƏHİDİMİZƏ  RƏHMƏT ELƏSİN…. DOĞMALARINA SƏBR VERSİN…. RUHUNU  ŞAD  EDƏ  BİLMƏMİŞİK  HƏLƏ   QARDAŞIM….  NUR İÇİNDƏ  YAT…….

YAZARLAR.AZ

#yazarlaraz#poet #pottery #writer #writers
#army #star #stars #azerbaycan #azerbaijan #baku #photography#photographer #bayraq #şəhid #political #cəlilabad #vatan

Zaur USTAC: “LAZIM” GƏLSİN şeiri.

lazim

“LAZIM”  GƏLSİN…

Ya ağ olub, ya da qara,

İstəyirəm, bozum gəlsin…

Dar quranlar, salıb tora,

İstəyirəm, çözüm gəlsin…

*        *        *

Cümlə-cahan batıb qara,

Təbiət də çəkib dara,

İnsan oğlu möhtac qora,

İstəyirəm, Yazım gəlsin…

*        *        *

Bixəbər, nanəcib gəlib,

Soylu gəlib, nəcib gəlib,

Haram gəlib, vacib gəlib,

İstəyirəm, “Lazım” gəlsin…

*        *        *

Gəl, daşı tök, ətəyindən,

Möhkəm yapış xötəyindən,

Can əta et, pətəyindən,

Şahə qalxan, sazım gəlsin…

*        *        *

Ustac Haqqdan görüb, deyər,

“Gündə bircə xurma yeyər”,

Sazı öyər, sözü öyər,

Doğru görən, gözüm gəlsin…

16.01.2018. (13:00 – 10’)  Bakı.

 

Müəllif: Zaur Ustac
© Zaur USTAC,2018. Bakı.
WWW.YAZARLAR.AZ və WWW.USTAC.AZ

#zaurustac #yazarlaraz #ustacaz #yazar #ustac

Zaur USTAC: – BƏNÖVŞƏ şeiri.

24993637_1549296738499459_1987073738013257772_n

BƏNÖVŞƏ

Kimi öyər, bənövşəni,
Kimi qara, qara yaxar…
Bənövşənin od həsrəti,
Qarı da yandırıb, yaxar…
* * *
Bulaq başı buz, sırsıra,
Əlin düşə, köz ısıra,
Rəbbim yol verməz qüsura,
İçindən can qalxıb, baxar…
* * *
Ustacam, xeyməm laməkan,
Rusqat verə, qıla imkan,
Tər bənövşəm olar kankan,
Qar içindən çıxıb, qoxar…
12.12.2017. Bakı. (12:25) 12’

Müəllif: Zaur Ustac
© Zaur USTAC,2017. Bakı.
WWW.YAZARLAR.AZ və WWW.USTAC.AZ

#zaurustac #yazarlaraz #ustacaz #yazar #ustac