ZAUR USTAC – NADANLIQ

zaurustac

NADANLIQ

(Urmu axan göz yaşımdı…)

Urmu axan göz yaşımdı,

Yanağımda duz olubdu…

Urmu, Urmu söyləməkdən

Bağrım başı köz olubdu…

* * *
Şümürə lənət deyənlər
Susuz qoyubdu dindaşın…
İnsan insana qənimdi,
Günahı nə dağın, daşın?
* * *
Savalanı dərd qocaltdı,
Murov soyuqdan üşüyür…
Araz sükütun pozmayır,
Kür əlçatana döşüyür…
* * *
Dəmir Qapım pas atıbdı,
Neçə körpüdən keçmirik…
Kərkük, Mosul unudulub,
Bağdada iraq demirik…
* * *
Nəsimi nəşi Hələbdə,
Füzuli hərəmdə qalıb…
Babəkin ruhu sərgərdan,
Bəzz qalasın duman alıb…
* * *
Suyumu daşla boğurlar,
Daşımı suyla yuyurlar…
Xudafərin, Urmu incik,
Bizləri bizsiz qoyurlar…
* * *
Şah babam yol ortasında,
Koroğlu göylərdə gəzir…
Bizi, bizdən ayrı salan
Nadanlıq ruhumu əzir…
03.11.2018. Bakı.

Müəllif: Zaur Ustac
© Zaur USTAC,2018. Bakı.
WWW.YAZARLAR.AZ və WWW.USTAC.AZ

#zaurustac #yazarlaraz #ustacaz #yazar #ustac
#sevin_ki_seviləsiz #türk #türklər
#heryeredebiyyat #həryerədəbiyyat

Advertisements

Zaur Ustacın “Həftə İçi” qəzetinə müsahibəsindən

zaurustac

 

“…Unutmayaq ki, indi klassik adlandırdığımız bəstəkar, şair və yazıçılar vaxtilə ucqar kəndlərdə müəllim işləyiblər. Hətta dahi yazıçı Lev Tolstoy ömrünün son günlərində Rusiyanın ucqar kəndlərinə – kasıb uşaqlara dərs demək üçün yola çıxıbmış. O, yazdıqlarını cəfəngiyat adlandıraraq, uşaqlara təhsil, savad verməyi daha üstün tutmuşdur. Bax, budur böyüklük. Bu cür insanlar “mənəm” kəlməsini bir dəfə də olsун dillərinə gətirməyiblər. …”

İLKİN MƏNBƏ:

http://hafta.az/index2.php?m=yazi&id=226864&fbclid=IwAR2ZnQ-27yNip0zRzYpDtCLqG7v4LYrIwXcdpyqGHv6VllRgKcUIRAGuJaA

YAZARLAR.AZ

AZƏRBAYCANA SALAMLAR OLSUN – Eldar İsmayıl BÖYÜKTÜRK

45887840_1828315673964201_2894656259259105280_n
AZƏRBAYCANA SALAMLAR OLSUN
(Güney Azərbaycana qədəm qoyakən.)

Müşk-ənbər qoxulu yurduma gəldim,
Bu başdan Muğana salamlar olsun!
Nələr çəkdiyimi duyub bilənə,
Dərdimi qanana salamlar olsun!

Qartallı zirvəsi çənli- dumanlı,
Yamacı, ətəyi otlu- ormanlı…
Yayın ortasında qarlı- boranlı,
Qoca Savalana salamlar olsun!

Bəzz qalasından şeşpər atana.
Babəkin ruhunu əziz tutana…
Səttar xan eşqiylə kama çatana,
O ruha, o qana salamlar olsun!

“Şeyvər”dən boylanıb, baxan səhərə,
Meşkinə, Güvəndə, qədim Əhərə…
Yaylağa bürünmüş kəndə, şəhərə,
Külli gülüstana salamlar olsun.

Tarix öz səhfini düzəltsin gərək,
Ortaya qoyulsun ədaət, gerçək.
Ana Ərdəbildə Şah İsmayıl tək
Cəngavər sultana salamlar olsun!

Gəlib pişvazında durammadığım,
Dağına düzünə varammadığım.
Dönüb əhvalını sorammadığım
Mərəndə, Zəncana salamlar olsun!

Hər türkün qəlbində təpər gözləyən,
Birliyə qoşulub hünər gözləyən…
“Qisas”, “qisas”!- deyib zəfər gözləyən
Qeyrətli aslana salamlar olsun!

Zülmə, zülümkara gürnəş tək doğan,
Şimşək tək oynayan, atəş tək doğan…
Güneydən dünyaya günəş tək doğan
Təbriz tək tərlana salamlar olsun!

Qoru ey türk oğlu, türklüyü qoru.
Birləş polad kimi, qalmasın soru…
Böyük Ankaradan Altaya doğru
Birləşən Turana salamlar olsun.

Eldar, bu həsrəti çırp getsin daşa,
Qardaşdan ayrılma, qardaşla yaşa.
Canı bir, qanı bir doğma qardaşa,
Tüm Azərbaycana salamlar olsun!

22.07. 18.
Müəllif:Eldar Ismayil Böyüktürk

“Vətən nədir ?”soran kəsə – Təranə MƏMMƏD

42927786_680194275713360_1504269848262213632_n

“Vətən nədir ?”soran kəsə

Dilimdə titrəyən sözdür,
Sönməyən əbədi közdür,
Həsrəti bağrım qanadır,
Necə deyim Vətən nədir,
“Vətən nədir” soran kəsə?

Gözümdən süzülən yaşdır,
Uğrunda can versəm azdır,
And yeridir, qibləgahdır!
Necə deyim Vətən nədir,
“Vətən nədir” soran kəsə?

Ayrılıb ayrı düşmüşəm,
Sanki həyatdan küsmüşəm
Vətənsiz yaşamaq nədir?
Necə deyim Vətən nədir,
“Vətən nədir “soran kəsə?

Şikəstəyəm, avazım var,
Sarı simli qəlb sazım var,
Canım, tənim Vətənimdir!
Necə deyim Vətən nədir,
“Vətən nədir” soran kəsə?

Vətən axan qanımdadır!
Vətən ruhda, canımdadır!
Vətən nədir ,tərif nədir?

Kəlamlarım cavabımdır
“Vətən nədir” soran kəsə.

Müəllif: Terane Memmed

Şerin, poeziyanın məskəni, şer kimi formalaşdığı yer, əlbəttə ki, ürəkdir… – İldırım Əkbəroğlu.

35082891_139802596890004_6003989324868091904_n

Şerin, poeziyanın məskəni, şer kimi formalaşdığı yer, əlbəttə ki, ürəkdir. Ona görə də şeri oxuyarkən o, oxucunun qəlbini çırpındırmalıdır, ürəyini şirin-şirin döyündürməlidir. Bununla bərabər, şerin sevilə-sevilə oxunması üçün, bu şerdə yeni fikir olmalıdır, oxucunun başqa şerlərdə oxumadığı yeni mənalar olmalalıdır. Son zamanlar oxuduğum şerlərin içərisində, yuxarıda dediyim fikirlərə, yüksək dəyərli mənalara Zaur müəllimin poeziyasında tez-tez rast gəlmək olur ki, bu da, tanınmış şairimiz Zaur Ustacı öz oxucularına sevdirir. Zaur müəllimin “Dünya” şeri onun oxucuları tərəfindən bəyənilmiş yeni fikirli şerlərindən biridir. Belə ki, dünya adına yazılmış bir çox şerlərdə günahkar kimi dünya tanınır, qınaq yeri dünyadır. Lakin, Zaur müəllimin bu şerində, haqlı olaraq günahgar dünyanın deyil, özünü apara bilməyən insanlarda olduğunu poetik şəkildə oxucunun diqqətinə çatdırır. Doğurdan da,  axı dünya neyləsin? – imkan verir ki, insan yaradıb qursun, təbii sərvət verir ki, dolansın.İnsanın da, mini yaradıb qurur biri yandan çıxıb, illərlə yaradılanları məhv edir, dağıdır. Dünya neyləsin axı, gözləri dünyanın ona verdiyi tükənməz maldan doymur,gedib özgəsinin də əlində olanını tutub alır. Ancaq, sonunda insan özü ilə heç nə aparmır və əli boş dünyadan köçüb gedir. Yenə də dünyanın malı dünyanın özünə qalır. Bütün bu dediklərim Zaur müəllimin üç bəndlik şerindən çıxan mənalardır ki, bu möhtəşəm fikirləri , bu böyük mənaları kiçik bir şerdə ifadə etmək Zaur Ustac kimi böyük şair bacarar. Bu gözəl şerə görə Zaur müəllimə oxucular adından təşəkkür edirəm və həmişə olduğu kimi, yenə də, onun gözəl şerlərini oxumaq üçün səbirsizliklə gözləyirəm!

İLKİN MƏNBƏ:

YAZARLAR.AZ

QƏLBİN SƏSİNİ QƏLƏMƏ ALANDA…

Əgər yazar qəlbinin səsini olduğu kimi dinləyib, eşitdiyi kimi vaxtında qələmə alırsa, (heç bir kənar təsirə məruz qalmadan) yazdıqları ilk əvvəl gözəl – ruhu oxşayan, yadda qalan, sonra isə səmimi, axıcı və şirin olur…. Yəqin mənimlə razılaşarsız ki, bu yuxarıda sadaladığım keyfiyyətlərin hamısı aşağıda tanış olacağınız nümunələrdə var… Uğurlarınız bol olsun Firuzə xanım. Yazın, yaradın….

41804868_527277887737375_948513342291443712_n

“…Getmişdim bir payız durna köçündə,
Durnalar qayıtdı, mən də qayıtdım.”

“DƏLİDAĞ” Ədəbi Birliyi Firuzə Məmmədlinin şeirlərini təqdim edir: 

NƏ VARDI

Bu dünyanın yalanı da düz idi,
Düzüb-qoşan, özümüzdük, biz idik.
Aralıqda hər nə idi, söz idi,
Sözdən-sözə calanmağa nə vardı?!

Bir məhəbbət nəğməsiydi hər bulaq,
Ömür – nağıl, igidimiz – Nərbala.
Yolumuzun dərd satanı – dərd alan,
O vaxt dərdə qalanmağa nə vardı?!

Ürək dolu arzulara yar idik,
Abır idik, həya idik, ar idik.
Ağıl-kamal bağçasında bar idik,
Baxışlarda talamağa nə vardı?!

Ümidlərə yol kəsəydi yüz kərə,
Can-ciyərdi əyri gedən, düz gələn.
Qəlbimizdə xəzinəydi söz-kəlam,
Bircə sözlə can almağa nə vardı?!

BAHAR

Bax, indi gündüzə kim qonaq gedir,
Gecədən nə qalıb şeh yanağında.
Bir qönçə qızılgül alyanaq gedir,
Öpür incə-incə meh yanağından.

Nəfəsi kəsilən ilkindi çağı,
Gündüzü küçədən yığammır daha.
Yağsa, yağışlar da çiçəkdən yağır, –
Göylər təndirlənib, yağammır daha.

Təpələr dərəyə axır ətəkdən,
Qaratikan belə ağ gül gətirib.
Arı zümzüməsi daşır pətəkdən,
Bağlar budaq-budaq bülbül gətirib.

Baxıb təbiətin cavanlığına,
Əli qələm gəzir qoca şairin.
Yazdıqca ayağı yerdən üzülür,
Xəyalı göylərdən uca şairin.

DURNALAR QAYITDI

Baharda oyanan xatirələrin
Qoluna girib də kəndə qayıtdım.
Getmişdim bir payız durna köçündə,
Durnalar qayıtdı, mən də qayıtdım.

Bir dəstə bənövşə, bir qom kol dibi,
Baxırdı torpaqdan, dərim, dərməyim?!
Ruhumu oyadan yaşıl yol oldu
Kəndə qayıtmağım, kəndə gəlməyim.

Çox şey dəyişmişdi o vaxtdan, çox şey,
Qalan nə idi bəs?.. Vallahi, heç nə.
Nə kənd həmin kənddi, nə qonum-qonşu,
Dəyişən nə imiş, İlahi? Heç nə!

Bu adlar, soyadlar tanış gəlsə də,
O vaxtkı deyildir kənd adamları.
Oğlanlar – şortikdə, qızlarsa – cinsdə,
Həm kənd başqalaşıb, həm adamları.

Uşaqlar ağlını test ilə ölçür,
Qadınlar danışır kişi səsilə.
Cavanlar üzbəüz gəlsələr belə,
Salam-kəlam edir esemes ilə.

Daban-dabanadı hər qapı hər tin,
Bu evin o evə həniri yetməz.
Mağar da qurula, toy da vurula,
Qonşudan-qonşuya səmiri yetməz.

Dəyişib… Yazdığım şeirin belə
Üzündə təbəssüm sətri qaçıb.
Təkcə çiçəklərdi öz mizanımda, –
Nə rəngi dəyişib, nə ətri qaçıb.

Bənövşə rəngini gözümdə gördü,
Çəmən yaşılını geydim əynimə.
Şəftəli budağı tərpənişilə
Çəhrayı şalını saldı çiynimə…

Getmişdim bir payız durna köçündə,
Durnalar qayıtdı, mən də qayıtdım.
***
Sudur, elə şır-şır axır,
Quma, gilə qarışır, axır.
Ömrü mənə qarşı axır,
Mən hara axıb gedirəm?

Başımda-pirlik havası,
Yox ta “əl-ətək” həvəsi.
Gözümə eynək əvəzi,
Canımı taxıb gedirəm.

Səbrimdən dözümü sıxıb,
Şeirdən sözümü sıxıb,
Buluddan gözümü sıxıb,
Şimşəkdən çaxıb gedirəm.

NIYƏ

Bu ocağın odu sönmüşdü çoxdan,
Bu can bir cəsədə dönmüşdü çoxdan.
Bu ruh yaşamırdı, ölmüşdü çoxdan,
Onu bu uyğudan oyatdın niyə?

At üstündə çapan qara gün idi,
Vaxt sürüydü, çoban qaragün idi.
İtirən mən… Tapan qara gün idi,
Qara gün içindən boy atdım niyə?

Bir az sünbül idim taxıl baxtıma,
Dedilər, iməklə, yıxıl baxtına.
Allah, məni də yaz paxıl baxtına,
Ömrümə sığmasın həyatım niyə?

Eylə dərdlərinə mükafat məni,
Qəlbinin küncündə ocaq çat məni.
Cənnət də – biz bazar; apar sat məni,
Mən kimi bir səhvə qayıtdım niyə?

Çökdü vicdanına nəfsim, ağrıdı,
Dilləşdim şerimlə, səsim ağrıdı.
Oldu bu taleyə təslim, ağrıdı,
Susdu qoşmam niyə, bayatım niyə?

***
Gün asılıb yaxasından,
Göylər gündüzə çəkilib.
Batıb gül-çiçək içində –
Dərələr düzə çəkilib.

Gənclik – anın gözəlliyi,
Ömür, hanı gözəlliyin?
Düz dünyanın gözəlliyi
Bircə bu qıza çəkilib.

Sevmə ağılsız sevgini,
Ağla ağrısız sevgini.
Dilsiz-ağızsız sevginin
Ağrısı gözə çəkilir.

Firuze Memmedli

“DƏLİDAĞ” Ədəbi Birliyi bildirir ki, şeirlər müzakirəyə açıqdır. Təhlil, tənqid, fikir və rəylər üçün söz sizindi.

İLKİN MƏNBƏ:

 

 

YAZARLAR.AZ

15 SENTYABR – ZƏFƏR GÜNÜMÜZ QUTLU OLSUN !!!!

29214882_349674608877576_4922587190472474624_n

BAYARMIMIZ MÜBARƏK – ZƏFƏR GÜNÜMÜZ QUTLU OLSUN !!!! GÜN, O GÜN OLSUN Kİ, QARABAĞIMIZI AZD EDƏK…. BUNUN BAŞQA YOLU YOXDUR : GEC-TEZ İKİ QARDAŞ OrDU LAÇIN DƏHLİZİNDƏ GÖRÜŞƏCƏK…

10615521_609036789229464_6259883448738916348_n

YERİ GƏLMİŞKƏN, 90-CI İLLƏRİN ƏVVƏLLƏRİNDƏ DƏ BİZİM YANIMIZDA OLUB, ORDU QURUCULUĞUNDA DƏSTƏKLƏYƏN TC ZABİTLƏRİNİ (1993 – Yüzbaşı Serdar BİLGE, Minbaşı Levent bey timsalında) SALAMLAYIRAM…(dünyasın dəyişənlərə Allahdan rəhmət diləyirəm…)

41755243_1170685179748796_3224470659094544384_n

MÖHTƏŞƏM YÜZ İL – BAKI O GÜNLƏRİ BELƏ XATIRLADI….

Müəllif:   Zaur Ustac

Qutlu Gün – Bu gün Rüstəm Behrudinin doğum günüdür…

RUSTEM BEHRUDİ VE ANASI

Fotoda Türk dünyasının sevimli şairi Anası ilə.

Bu gün Rüstəm Behrudinin Anadan olduğu günüdür. Rüstəm Behrudi 1957-ci il sentyabrın 12-də Ordubad rayonunun Behrud kəndində dünyaya gəlmişdir. Üç uşaq atasıdır. Yaradıclığında türkçülüyə və dərviş fəlsəfəsinə üstünlük verir. 

Yazarlar.az olaraq, şairimizi təbrik edir, Uca Yaradandan can sağlığı, yeni-yeni yaradıcılıq uğurları arzu edirik. Uğurlarınız bol olsun, Rüstəm müəllim.

İlkin mənbə:

https://az.wikipedia.org/wiki/R%C3%BCst%C9%99m_Behrudi

 

YAZARLAR.AZ

TÜRK DÜNYASI ŞAİRLERİ ANTOLOJİSİ HAZIRLANIYOR.

41327568_1925652634157661_375514982168657920_n

 

TÜRK DÜNYASI ŞAİRLERİ ANTOLOJİSİ HAZIRLANIYOR.
”SİZ BİRBİRİNİZDEN AYRILIRSANIZ, HEPİNİZİ OK GİBİ BİRER BİRER KIRIP PARÇALARLAR.OYSA BİRLİK OLURSANIZ, HİÇBİR KUVVET SİZİ KIRAMAZ.” (OĞUZ KAĞAN)
“DİLDE , FİKİRDE, İŞDE BİRLİK “ (GASPARALI)

2013 YILINDA 1-2 CİLT OLARAK ÇIKARDIĞIMIZ, TÜRK DÜNYASI ŞAİRLERİ ANTOLOJİSİ 3-4. SAYISINI ÇIKIYORUZ. HER YIL GELENEKSEL OLARAK ÇIKACAK ANTOLOJİMİZE 20 ÜLKEDEN 500 ŞAİR KATILIMCI OLARAK YER ALACAK.
TÜRK DÜNYASINDA BİRLİK VE BERABERLİK SEMBOLU OLAN TÜRK DÜNYASI ŞAİRLERİ ANTOLOJİSİ ANTOLOJİ DİL BİRLİĞİ, GÖNÜL BİRLİĞİ ÇALIŞMALARIMIZA ÇOK FAYDALI OLACAKTIR.
KATILIM KOŞULLARI;
KONU: VATAN,MEMLEKET,KAHRAMANLIK BAŞTA OLMAK ÜZERE, HER ALANDA OLABİLİR.
LİRİK,EPİK,DİDAKTİK,PASTORAL,SATİRİK, DRAMATİK .
TÜRÜ: HECE,ARUZ, SERBEST
TÜRK DÜNYASI ŞAİRLERİ ANTOLOJİSİNE GÖNDERİLEN ŞİİRLERDEN “SEÇİCİ KURUL” TARAFINDAN YAYINLANMASINA DEĞER GÖRÜLEN ŞİİRLER YAYINLANACAKTIR. YAYINLANMAYAN ŞİİRLER VE GÖNDERİLEN ÜCRET HAVALE VEYA HERHANGİ BİR MASRAF BEDELİ VARSA MAKBUZ KARŞILIĞI BELİRTİLEREK KİŞİYE İADE EDİLECEKTİR.

HER KATILIMCIYA 3 SAYFA AYRILACAK.
KATILIMCILAR 5 ADET ŞİİR,KISA BİR ÖZ GEÇMİŞ VE FOTOĞRAF,
ADRES VE TELEFON BİLGİLERİNİ EKSİKSİZ GÖNDERECEKLER.
KATILIMCILARA 2 CİLT KİTAP VERİLECEK
KİTABIMIZ BÜYÜK BOY OLACAK
KARGO ÜCRETİ KATILIMCILARA AİT OLACAK.
KATILIM ÜCRETİ;
TÜRKİYE: 100 TL
AZERBAYCAN: 30 MANAT
AVRUPA: 15 EURO
ASYA: 20 DOLAR
KİTAP ÖZELLİKLERİ;
ÖLÇÜSÜ 16 X 24 EBATINDA
2 CİLT, YAKLAŞIK 1400 SAYFA
PARLAK SELEFON
ENZO 70 GR KAĞIT
BASKI: 2000 TAKIM (1000 TAKIM KİTAP OKULLARA ÜCRETSİZ DAĞITILACAK.)
BAŞLAMA TARİHİ: 10 EYLÜL 2018
SON KATILIM TARİHİ: 10 ARALIK 2018
BASKI TARİHİ: 10 OCAK 2019
ETKİNLİKLERİ-ANTALYA-İSTANBUL-ADANA- ANKARA-ERZURUM- İZMİR İLLERİ İLE, AZERBAYCAN, BOSNA HERSEK-BULGARİSTAN, ÖZBEKİSTAN VE KAZAKİSTAN’DA YAPILACAK.
ESERLERİN GÖNDERİLECEĞİ E.POSTA: askefturk@hotmail.com
KATILIM ÜCRETLERİ;
TÜRKİYE:
AVRASYA SANAT KÜLTÜR EDEBİYAT VE BİLİM FEDERASYONU İŞ BANKASI ANTALYA ŞUBESİ
HESAP NO : 6200- 4233684- IBAN: TR 250006400000162004233684
AZERAYCAN: BAŞKAN MÜŞAVİRİ SONA İSMAYILOVA
ÖZBEKİSTAN: ASKEF TEMSİLCİSİ MUAZZAM İBROHİMOVA
BULGARİSTAN: ASKEF TEMSİLCİSİ RÜSTEM AZİZ
ALMANYA: ASKEF TEMSİLCİSİ AYDIN TAZEGÜL
KIBRIS: ASKEF TEMSİLCİSİ HASAN ÇAKMAK
ERBİL:ASKEF TEMSİLCİSİ ESAT ERBİL
KERKÜK: ASKEF TEMSİCİSİ ABDULHALİK HÜRMÜZLÜ.

İLKİN MƏNBƏ: 

 

YAZARLAR.AZ

Tamerlan Qarayev ləyaqətli adamdır. Onunla mübarizə apanlar haqda bunu demək çətindir…

41210465_1890816334330874_7481906507932499968_n

Tamerlan Qarayev ləyaqətli adamdır. Onunla mübarizə apanlar haqda bunu demək çətindir…
Tamerlan 25 ilə yaxındır ki, Cənub Şərqi Asiyadadır. Və hər dəfə onun səfirlik müddəti bitməsi ərəfəsində ona qarşı “vertolyot qəzası” təbliğatı başlayır. Onun ölkəyə qayıtmasından çox narahatdırlar. İllər öncə, Cindəki səfirlik müddəti bitdikdən sonra o bir müddət ölkədə qaldı və “Qarabağ evi” adlı təşkilat yaratdı və dərhal da yenidən səfir göndərildi. Məsələ bu qədər bəsit.
“Vertolyot qəzası” ilə bağlı əvvəlcə bütün rəhmətə gedənlərin ailələrinə başsağlığı verirəm, allah rəhmət eləsin. Amma bu məsələdən də kimisə şərləmək üçün istifadə edilməsi ən azı rəhmətliklərə qarşı hörmətsizlikdir. İkincisi onu qeyd eləyim ki, vertolyotu bizim vurmağımızla bağlı uydurulan yalan birbaşa ermənilərə xidmətdir, ermənilikdir. Üçüncüsü ermənilərin nəzarət etdiyi ərazidə Tamerlan bəyin sözü ilə vertolyot vurmaq mümkün idisə, onda prezidentin sözü ilə Yerevanı 3-5 dəqiqəyə işğal edərdik ki? Bəs onda necə oldu ki, Qarabağ erməni işğalındadır. Dördüncüsü başqa bir əsas olmadan rəhmətə getmiş adamın dilindən kimisə şərləmək şərəfsiz bir işdir. Beşincisi bu məsələ zamanla qaldırılıb, əsassız, aşkar sifaişli bir məsələ olduğundan heç vaxt ciddi əhəmiyyət verilməyib, indi yenidən bu məsələni gündəmə gətirənlərin kimliyinə fikir versəniz hər şey aydın olar. Altıncısı Mütəllibovu müdafiə edən, H.Əliyevi xilaskar sayan, Ə.Əliyevin dostu olan, İ.Əliyevi dəstəkləyən, M.Əliyevanın təbliğatını aparan buqələmunların, onların təbliğatını aparanların şahidliyinə inanmaq olarmı? Və ….
T, Qarayev ləyaqətli adamdır …
1992-ci ildə T, Qarayev Ali Sovetin sədr müavini, AXC Ali Məclisinin sədri idi, hər iki düşərgədə qəbul olunurdu, çox böyük nüfuzu var idi … və AXC məclisində “bəlli bir qrupun”, “biz sənə inanmırıq” kim heç bir əsası olmayan hücumları başladı. Mən o vaxt orda idim. Amma oyun olduğunu bilmirdim, inanmadım, dinmədim, sonralar hər şeyi bildim və o susqunluğuma görə, Azərbaycanda proseslərin normal, sivil qaydada gedə biməsinə dəstək vermədiyiimə görə indi də peşmnam, özümü günahkar sayıram. Tamerlanı təklədilər və o xeyli zala nəzər saldı, və “siz bunları nəyin əsasında deyirsiniz ?” sual etdi. AXC-nin bütün rəhbərliyi zalda idi, onların hamısı başını aşağı salıb susurdu. Tamerlan bəy istefa verdiyini bildirdi…
1993-cü ilin iyun ayı idi, H.Əliyevi dəvət edənlər ortada yox idi. Milli Məclisdə Prezident səlahiyyətlərinin H. Əliyevə verilməsi, məşhur “dondurma bəyanatı” müzakirə edilirdi,
Iclası Milli Məclisin sədrinin birinci müavin Tamerlan bəy aparmalı idi, amma o bu oyunda iştirak etmədi, iclas zalını tərk etdi, nə H.Əliyevin nüfuzundan, nə də Surətin Məclisdə olan narkomanlarından çəkindi…
Gözünüzün qarşısında ləyaqətli bir adama ləyaqətli olduğuna, sınmadığına görə gien sürüsü hücum edir və hamınız susursunuz.
Ey Hacıbaba Əzimov milli məsələlərlə məşğul olmaq lazımdır, …
https://www.youtube.com/watch?v=g82qLC8GwxE

 

 

 

İLKİN  MƏNBƏ:

 

YAZARLAR.AZ