Zaur Ustac: Bir budaqdan üç yarpaq…

zaur ustac dostum

DOSTUM

 

Dostum, haqq yoluna qayıt indidən,

Sonra əməlindən olma peşiman.

Gördüyün işlərə, dediyin sözə

Bir gün, sorğu-sual olacaq inan!

* * *

Yaşama, dünyanı hədər yerə, sən!

Sabahkı gün üçün yaşa bu gündən,

Nəfsin güdazına vermə ömrünü,

Sabahkı yaşayış doğur bu gündən!

* * *

Xülyalar yolunda olma canfəşan,

Arzu, istəyini inam üstə qur!

Bu gün elə yaşa, elə iş gör ki,

Peşiman olma, çalınanda “sur”!

 

06.10.1996. Bakı.

 

 

 

 

 

 

 

 

 

 

 

 

 

 

 

 

 

HƏQİQƏT

Nə qədər Günəş var, yaşayar insan,
İnsan öz ömrünü son edə bilməz.
Dünyasın dəyişər, nizamı ilə,
O, bir varlıq kimi yox ola bilməz!
* * *
Heçdən heç yaranmır, hrç nə heç olmur,
Bulud göydə dolur, yerdə su olur,
Sular buxar olub, göylərə uçur,
Bu, “dünya” nizamsız qurula biməz!
* * *
Gecələr, gündüzlər, Ay və ulduzlar,
Səhradakı qumlar, dəryada buzlar,
Acılı, şirinli, rəngli dənizlər,
Bir təsadüfdürmü? – bu ola bilməz!
* * *
Bütün yaranmışın öz nizamı var,
Canlılar, cansızlar, dərələr, dağlar,
Bütün xəstəliklər, bütün bəlalar,
Heçdən mövcud deyil, heç ola bilməz!

* * *
Dünyamız qurulmuş, bir nizam üstə,
Daşları daş üstə, otu ot üstə,
İnan ki, göz tökən acı tüstü də,
Heçdən yaranmayıb, heç ola bilməz!

* * *

Dostum, yaxşı düşün, düşün bir az da,
İnsan bu, mətləbi duymaya bilməz!!!

18.10.1996. Bakı.

 

 

 

 

DÜŞÜNCƏLƏR

 

Arzular üzünə güləndə sənin,
Elə bil, yüz dəfə cavanlaşırsan.
İşin bərkə düşüb, çətinləşəndə,
O an qəm-kədərlə qucaqlaşırsan…
* * *
Belə olmamalı düşün, ey insan!
Səni xəlq edəndə ulu yaradan,
Mayanı tutmuşdu, “sabit” torpaqdan,
Mənbəyin, mənsəbin torpaqdır, İNSAN!!!
* * *
Şükür bəzək olsun şirin dillərə,
Ağıl çəpər olsun əsən yellərə,
Düzlük mayak olsun, tüm əməllərə,
Bir gün, bu işlərə hesabatçısan!
* * *
Enib asimandan, yerdə qərar tut,
Şirin xülyaları biryolluq unut,
“Həsədi”, “həvəsi” qəlbində ərit,
Həvəsə aldanıb, uduzacaqsan!
* * *
İnam et həmişə axirətinə,
Ümid et, tanrının mərhəmətinə,
İlahi inama sədaqətinə,
Bir gün mükafatın olacaq inan!!!

20.10.1996. Bakı.

 

 Müəllif:  Zaur Ustac

 

Advertisements

Sekulyarizasiya nədir?

15027787_943084145824725_6516646943584642547_n

müəllif: s.f.d. Asəf Qənbərov

Sekulyarizasiya nədir?

Sekulyarizasiya, “institusional, ictimai və mədəni müstəvidə dinin əhəmiyyətini itirməsi və ya zəifləməsi” prosesini ifadə etmək üçün sosioloqlar tərəfindən irəli sürülən tezisdir [1, s. 11; 2, s. 302]. Sekulyarizasiya terminini “dünyəviləşmə” kəlməsi ilə əvəz etmək mümkündür. Dünyəviləşmə ilə qəsd edilən məna dini norma və dəyərlərin yerinə rasional, ağıla və təcrübəyə istinad edən, ümumi mənafeyi nəzərə alan dünyəvi dəyərlərin inkişaf etməsidir. Bu tezisə görə, cəmiyyətdə modernləşmə prosesi getdikcə dinin ictimai və mədəni rolu azalır. Nəticədə dini qurumlar çox məhdud sahədə fəaliyyət göstərirlər. Lakin daha sonra görəcəyimiz kimi, bu qanunauyğunluq, əsasən, Qərbi Avropa ölkələri üçün keçərlidir. Modernləşmə baxımından yüksək səviyyədə olan ABŞ-da din ictimai əhəmiyyətini və rolunu itirməmişdir. Bu səbəbdən də sekulyarizasiya tezisini müdafiə edənlər ABŞ-ın və müsəlman ölkələrin bir çoxunun istisna təşkil etdiyini vurğulayırlar [3, s. 22-23].

Mövzu ilə yaxından əlaqəli olan və tez-tez dünyəviləşmə prosesi ilə qarışdırılan başqa bir termin də sekulyarizmdir. Sekulyarizmi dilimizdə “dünyəvilik” termini tam qarşılayır və onu sekulyarizasiya (dünyəviləşmə) ilə qarışdırmaq doğru deyildir. Sekulyarizm dinin dövlətdən ayrı olduğunu və qanunvericiliyin dini doqmalara əsaslanmadığını ifadə edir. Azərbaycan Respublikasının Konstitusiyasında “dövlətin dünyəviliyi” [4, m. 7.1., 18.1.; 5] və “təhsilin dünyəvi xarakter daşıması” [4, m. 18.3.; 5] maddələri sekulyarizmin mənasını dəqiq təyin etmişdir. Burada işlədilən dünyəvilik, normativ termin olub siyasi-hüquqi mənaları ehtiva edir; sekulyarizasiya prosesi isə ictimai durumu təsvir edən deskriptiv (red.təsviredici anlayış) termindir.

Sekulyarizmin nəzəri əsaslarını ilk dəfə l873-cü ildə fransız mütəfəkkiri Ferdinand Buisson (1841-1932) irəli sürmüşdür. Həmçinin o, 1903-1905-ci illərdə Fransada kilsə və dövlət işlərinin bir-birindən ayrılması vəzifəsini yerinə yetirən parlament komissiyasının sədri olmuş və dövlət məktəblərinin dünyəviləşdirilməsi prosesində mühüm xidmətlər göstərmişdir [6, s. 6-7].  Buissona görə din və dövlət işlərinin ayrılması mənasında işlədilən  dünyəvilik,  dünyəviləşmənin  nəticəsidir.  Onun  fikrincə,  fransız  cəmiyyəti Avropanın yüksək səviyyədə dünyəviləşmiş cəmiyyəti olmuşdur [6, s. 9]. Buna görə də din və dövlət işlərinin ayrılması ilk dəfə Fransada həyata keçirilmişdir.

Dinin  ictimai  əhəmiyyətinin  azalması  modernləşmənin  üç  xüsusiyyəti  ilə əlaqələndirilir. Bunlar sosial fərqliləşmə, sosiallaşma və rasionallaşma prosesləridir [1, s. 9]. Modernləşmə isə dünyəviləşmənin əsas hərəkətverici amili hesab edilir. Sekulyarizasiya nəzəriyyəsinin tarixi inkişafı Sekulyarlaşma, yaxud dünyəviləşmə tezisi XIX və XX əsr sosioloji düşüncənin mərkəzi və eyni zamanda ən çox mübahisə doğuran mövzusudur. Lakin bu terminin kökləri klassik sosiologiyanın baniləri hesab edilən Ogüst Kont (red.Auguste Comte) və Emil Durkheymin (red.Émile Durkheim) çalışmalarına, Karl Marks və Maks Veberin sosial dəyişmə nəzəriyyələrinə qədər gedib çıxır.

O.Kontun (1789-1857) üç mərhələ qanununa görə insan düşüncəsi bir-birini izləyən üç mərhələdən keçir. O, teoloji dövrdə hadisələri fövqəlbəşər varlıqlara istinadən izah edir. Metafizik dövrdə mücərrəd fəlsəfi ideyalara müraciət olunur. Sonuncu pozitiv dövrdə isə insan hadisələri müşahidə edərək və aralarında sabit qanunauyğunluqları müəyyənləşdirərək onların izahına çalışır [7, s. 69]. Teoloji dövrdən metafizik dövrə, sonra da pozitiv dövrə keçid əslində cəmiyyətin getdikcə dünyəviləşdiyini ifadə etmənin başqa bir yoludur.

Maks Veber dinin tənəzzülünü “dünyanın sehrinin pozulması” şəklində ifadə edir, amma dünyəvi biliyin dinin yerini heç zaman doldura bilməyəcəyini də vurğulayır. Veberə görə din və dini dəyərlərin formalaşdırdığı davranış tiplərinin yerini ağıla və məqsədə yönəlmiş davranış tipləri almışdır. O bu davranış dəyişkənliyini kapitalizm və sənayeləşmənin ortaya çıxması ilə və ictimai institutlarda hakim vəziyyətə gəlmiş rasionallıq və bürokratiya ilə əlaqələndirir. Veber “Protestant əxlaqı və kapitalizmin ruhu” adlı klassik əsərində bu mövzunu detallı şəkildə izah edir. Protestantlığın Kalvinizm qolunun “ilahi qədər” haqqındakı təlimləri iqtisadi həyatda kapitalist münasibətlərin yaranmasında öz təsirini göstərmişdir [8, s. 85-87]. Veber “dünyanın sehrinin pozulmasını” narahatlıqla qarşılayır. Bürokratiyaya əsaslanan idarəçiləri “ruhsuz mütəxəssislərə”, rasionallığı isə “dəmir qəfəsə” bənzədir [9, s. 159].

Müasir  sosioloqlardan  Bryan  Vilson  (1926-2004)  sekulyarizasiyanı  “dini düşüncələr, praktikalar və dini institutların əhəmiyyətini itirməsi” kimi tərif edir. B.Vilson düşünür ki,, cəmiyyətlər sənayeləşərkən daha rasional, elmi və ixtisaslaşmış cəmiyyət halına gəlir. Buna görə də ənənəvi dəyərlər və praktikalar zəifləyir. Nəticədə həm dini həyatda zəifləmə olur, həm də dini müəssisələrin yerinə yetirdiyi vəzifə və rollar (təhsil, siyasət, ictimai asayiş və s.) başqa ixtisaslaşmış ictimai-siyasi institutlara həvalə edilir [2, s. 301].

Peter Bergerin(red.Peter Ludwig Berger) sekulyarizasiya tezisi ilə əlaqədar çalışmaları iki qismə ayrılır. Gənclik dövrlərində Berger sekulyarizasiya tezisini müdafiə edən ən əhəmiyyətli din sosioloqu olmuşdur. Xüsusilə, “The Sacred Canopy: Elements of a Sociological Theory of Religion (1967)” adlı kitabında sekulyarizasiya prosesinin başlanğıcını Yəhudi-Xristian dinlərinin köklərində axtarır. Qədim yəhudi dininin dünyəviləşməni öz içində ehtiva etdiyini belə ifadə edir: “Əhdi-Ətiq, özü yaratdığı, amma heç bir şəkildə ona nüfuz etmədiyi kainatın xaricində duran bir Tanrı anlayışını irəli sürür” [10, s. 211].Bergerin fikrincə, yəhudilərin tanrı anlayışını dünyadan uzaq və ayrı təsəvvür etmələri, dünyanı profan, yəni müqəddəslikdən uzaq hala gətirmişdir.Bergerin  çalışmalarının bir hissəsi isə bu tezisin tənqidinə həsr edilmişdir. O, “The Desecularization of the World” və “Secularizm in Retreat” adlı məqalələrində bu tezisin dünyanın əksər yerində özünü doğrultmadığını, əksinə dinin getdikçə gücləndiyini etiraf etmişdir [3, s. 11-32].

İLKİN MƏNBƏ:

https://rezonanss.com/arxivl%C9%99r/5243

İldırım Əkbəroğlu Zaur Ustacın “Yarım bardaq” şeiri haqqında

35082891_139802596890004_6003989324868091904_n

İldırım Əkbəroğlu Zaur Ustacın “Yarım bardaq” şeiri haqqında:

Təzə şer oxuyanda orada yeni poetik fikir olarsa, o şer oxucu tərəfindən çox sevilir. Sizin şerilərinizdə həmişə həm yeni poetik fikir olur, həm də, axıcılığı, lirik duyğuları ilə fərqlənir. Bu şerinizdə də olan poetik fikiriniz oxucunun qəlbindən xəbər verir. Belə ki,sevdiyin kəsin əli dəyən bardaqda sevdiyinin əl izinin qalması, sevən üçün nə qədər əziz olması fikri heç bir şerdə ifadə edilməyib və bu fikri oxuyanda , doğrudan da, oxucu şerə vurulur və bu şer oxucunun yaddaşında həkk olunur. Zaur, əzizim, şeriniz çox gözəl və mənalı şeridir. Mənə , doğrudan da, çox-çox bədii ləzzət verdi. Bunun üçün sizi təbrik edirəm və sizin gözəl şerilərinizi oxumaq üçün səbirsizliklə gözləyirəm! Allah köməyiniz olsun! Sağ olun, var olun!

İLKİN MƏNBƏ:

YAZARLAR.AZ

Bu gün İldırım Əkbəroğlunun ad günüdür.

35082891_139802596890004_6003989324868091904_n

Təqvimin bu gözəl – məhsuldar günü dünyadakı saysız – hesabsız hadisələrlə yanaşı bizim üçün xüsui olaraq əlamətdardır. Bu gün hamımızın sevimlisi, söz adamı İldırım Əkbəroğlunun ad günüdür. Uca Yaradan Sizə can sağlığı, uzun ömür versin, İldırım müəllim. Var olun. Yazın, yaradın… Uğurlarınız bol olsun…

YAZARLAR.AZ

Xatirələr qalaq-qalaq… – Mayıl Dostu.

 

12715534_125429874511204_3639035300141250702_n

GƏL, UŞAQ OLAQ

Xatirələr qalaq-qalaq,
Bəlkə, dönüb uşaq olaq?
Olanları yada salaq,
Yaddaşları silə-silə.

Sən atlı ol,mən piyada,
Sən çəməndə,mən qayada,
Bala bənzər bu dünyada,
Süz qəlbimə gilə-gilə.

Əllərini ver əlimə,
Düşək təzə bir çəhlimə,
Yanağın dəysin telimə,
Pambıq kimi pilə-pilə.

Mən tel olum,sən də kaman,
Aşiq olum, sən də canan,
Səndən ötrü pörtüb yanan,
Könlümə gir gülə – gülə.

Qanadlanaq, göyə uçaq,
Buludları minib çapaq,
Axırda… üç alma tapaq,
Nağıllaşaq bilə – bilə.

============================================================================

VÜQARLI DAĞLAR

Yaranışdan əzəmətli, vüqarlı,
Yaşı bilinmir ki, uca dağların.
Ətəyi dumanlı, zirvəsi qarlı,
Sifəti yaylaqdı qoca dağların.
***
“Ahınız dağlara”– dedi nənələr,
Dağlar bu qarğışa cavab tapmadı.
Tarixlə çarpışıb çəksə də nələr,
Sinəsindən bircə ahı qopmadı.
***
Bütöv asimanın,yeddi qatın da,
Dağlardı dirəyi, sütun — dayağı.
Bu ağır şələnin, yükün altında,
Dağların giribdi yerə ayağı.

============================================================================

İLHAM PƏRİM

Göy üzündə bulud olub,xallanan,
Gül-çiçəkdə şirə olub, ballanan,
Bir baxışdan meyxoş kimi hallanan,
Dumduru təbimsən,ay ilham Pərim.
***
Sən olmasan,günüm dönər zəhərə,
Gecəm heç açılmaz nurlu səhərə,
Məni mindirən sən, köhlən kəhərə,
Dərmanım,həbimsən,ay ilham Pərim.
***
Mənəm bu dünyanı anlayıb,görən,
Sözü kəlmə – kəlmə misraya hörən,
Alağı qoparıb, məhsulu dərən,
Halalca zəmimsən,ay ilham Pərim.
***
Yaz gəlməmiş qar altından boylanan,
Erkən yaz çiçəyi kimi allanan,
Baharın ilkinə baxıb tullanan,
Kosam, Keçəlimsən, ay ilham Pərim.

============================================================================

GÖZLƏRİN GÜLSÜN

Birinci görüşdə, sehirli axşam,
səni evə qədər ötürüb getdim.
Şirin duyğularla tənha qalmışam,
qəlbimi özünlə götürüb getdin.
***
Ürəkdən vurmusan,oxun düz dəyib
yaramın gözündən məhəbbət axır.
İşə bax, qarşımda başını əyib,
gözləri gözümdə, yarama baxır.
***
Sevgimi qəlbinin başında saxla,
ağlama, həmişə gözlərin gülsün,
Didən içində, göz yaşında saxla,
bal dilin oynasın, sözlərin gülsün.

Müəllif: Mayil Dostu

Qutlu Gün – Bu gün Rüstəm Behrudinin doğum günüdür…

RUSTEM BEHRUDİ VE ANASI

Fotoda Türk dünyasının sevimli şairi Anası ilə.

Bu gün Rüstəm Behrudinin Anadan olduğu günüdür. Rüstəm Behrudi 1957-ci il sentyabrın 12-də Ordubad rayonunun Behrud kəndində dünyaya gəlmişdir. Üç uşaq atasıdır. Yaradıclığında türkçülüyə və dərviş fəlsəfəsinə üstünlük verir. 

Yazarlar.az olaraq, şairimizi təbrik edir, Uca Yaradandan can sağlığı, yeni-yeni yaradıcılıq uğurları arzu edirik. Uğurlarınız bol olsun, Rüstəm müəllim.

İlkin mənbə:

https://az.wikipedia.org/wiki/R%C3%BCst%C9%99m_Behrudi

 

YAZARLAR.AZ

TOFİQ QƏBUL: – “İşıqdan yoğruİlmuş kəlmələr…”

 

13912499_103015143478878_8023942242719031226_n

ŞAGİRDLƏRİMƏ. 

 

Şagirdim, bilirsən, qəlbimdə od var
Bu odu səninlə bölmək istərəm.

İşıqdan yoğruİlmuş hər bir kəlməmi

Sənin gözlərində görmək istərəm.

Unutma, bu yurdun övladısan sən.
Havası sənindir, suyu sənindir.
Üstündə gəzdiyin bu torpaq, bu yer,
Bu əsgər qayalar bil, Vətənindir.

Boylan bu dünyaya, aç gözlərini,
Millətlər yarışır Yer kürəsində.
Geriyə qalanı atlar əzəcək,
Dünya əridəcək öz kürəsində.

Öyrən keçmişini, türk oğlu türk ol.
Öyrən Atilla, kim Cavanşir kimdir.
Sən söykən hər zaman qan yaddaşına,
Dünyada gurlayan sənin səsindir.

Araza çay deyil, xəncər kimi bax.
Onu kim sıyırıb, tanı, şagirdim.
”Gülüstan” yadların sülh sazişidir,
”Türkmənçay” azəri qanı, şagirdim.

Tanı düşmənini, pusquda durub.
Adı ermənidir, şər oğlu şərdir.
O, səni uyquda görmək istəyir,
Onun nəfəsi də, bil ki, zəhərdir.

Əyil kitablara, nicatımız o.
Öyrən addım-addım, bil addım-addım.
Qoy döyüş silahın biliyin olsun,
Çalış, boş keçməsin hər bir saatın.

Milli məhəbbəti köksünə hopdur.
Sev qanı qanından olan soydaşı.
Üçrəngli bayrağı ürəyinə sıx,
Bil ki, azadlıqdır ucaldan başı.

Bir də ki, Təbrizi unutma, bala.
Min il paytaxt olub Azərbaycana.
O, bir Ərk qalası, Babək qalası,
O, sevgi duyğulu kövrək bir ana.

Şagirdim, bilirsən, qəlbimdə od var.
Bu odu səninlə bölmək istərəm.
İşıqdan yoğrulmuş hər bir kəlməmi
Sənin gözlərində görmək istərəm.

12 03.2006.

============================================================================

 

SÖZ 

 

Sözü tanrı verib, bilsən də bunu,
Onu yerli-yersiz dara çəkirsən.
Söz də dən kimidir, onu əkəndə
Gərək biləsən ki, hara əkirsən.

Söz bir gülüstandır, qoru tikandan.
Ürək sındıran söz dəyərsiz olar.
Sözü hara gəldi fırlatma, axı
Yerinə düşməsə bəhərsiz olar.

Söz bəzən fırtına qoparmalıdır.
Döyüşən əsgərin nərəsi sözdür.
Qarabağ ! Zəngəzur ! Təbriz ! Həmədan !
Hər biri qəlb çarpan kəsərli sözdür.

Hər söz xalı üstə açan butadır,
Hər buta mənadır, sirli dənizdir.
Gəl sözü heç zaman ucuz tutmayaq.
Söz də kimliyimiz, mənliyimizdir.
15.04.2006.

===========================================================================

 

‘HARALISAN?”-SÖYLƏMƏ 

 

Gözündə alov görüm, ürəyində məhəbbət.
-”Haralısan?”- sözünü gəl söyləmə, qardaşım.
Milli qürur, milli eşq səadətdir, səadət.
-”Haralısan?”- sözünü gəl söyləmə, qardaşım !

Qüzeydə yaşasan da, Güneydədir gözlərin,
Kəpəzdə od-ocağın, Savalanda izlərin,
Arazın o tayında dost-doğma əzizlərin.
-”Haralısan?”-sözünü gəl söyləmə, qardaşım !

Dədə Qorqud babamız, hər öyüdü andımız,
Coşsun türkün adı tək damarlarda qanımız..
Dilimiz bal-şəkərdir, dinimiz- imanımız..
-”Haralısan?”-sözünü gəl söyləmə, qardaşım !

İstərəm, danışanda ağzından dürr tökülsün,
İstərəm, biliyinlə düşmən beli bükülsün,
İstərəm, baxışların zirvələrə dikilsin.
”-Haralısan?”-sözünü gəl söyləmə, qardaşım !

Zəfərini bölüşdür doğmaca soydaşınla,
Kədərini bölüşdür bacınla, qardaşınla.
Bağlan Azərbaycana ulu qan yaddaşınla.
-”Haralısan?”- sözünü gəl söyləmə, qardaşım !

Daim bütövlük istə, Qarabağı tələb et !
Dön yumruğa, dön kürzə, silahını sipər et !.
Şuşada keyf edənə bu dünyanı zəhər et !
-”Haralısan?”-sözünü gəl söyləmə, qardaşım !

Bizim uca taxtımız Üçrəngli bayrağımız,
Arazla Kür qolumuz, yurdumuz ocağımız
Vətənin qucağına sığınsın qucağımız.
-”Haralısan?”-sözünü gəl söyləmə, qardaşım !
-”Haralısan?”-sözünü gəl söyləmə, qardaşım !
20.05.2006.

============================================================================

DINDIRIR ƏSR BİZİ… 

 

Bu daş nədir axı, atıblar yola?
Yanından keçirik dərdlə, məlalla.
Bu daş başımıza olubdur bəla.
Nədən tapammırıq buna çarə biz?
”Dindirir əsr bizi, dinməyiriz”.

Əyilib bu daşı götürəmmirik,
Atıb girdablarda itirəmmirik,
Yoxsa başqa xalqdan kəsirik, kəmik?
İlişdik bu daşa neçə kərə biz
”Dindirir əsr bizi, dinməyiriz”

Gözümüz yanmadı atəşlə, odla.
Yaxınlıq elədik düşmənlə, yadla.
Biz hara uçurduq bu qol-qanadla?
İnandıq hər saxta sevgilərə biz.
”Dindirir əsr bizi, dinməyiriz”

Verdik Qarabağı bu daşa qurban,
Çökdü Xankəndimin başına duman,
Deyirəm, dünyada əlli milyonam.
Bu boyda milyonlar qalıb çarəsiz.
”Dindirir əsr bizi, dinməyiriz”.

Qondarma daş bitib torpağımızda,
Yallanır, şellənir ocağımızda.
Kütdür, kəsə bilmir bıçağımız da.
Düşmənin gözündə ən biçarə biz.
”Dindirir əsr bizi dinməyiriz”.

Bu daşı üyüdən dəyirman hanı?
Nədən qovammırıq yağı duşmanı?
Heyrətdə qoymuşuq bütün dünyanı.
Tikə-parça yurd tək təkik hələ biz
”Dindirir əsr bizi dinməyiriz”.

Ölkəm aşıb -daşır sərvətlə, pulla,
Ölkəm cilvələnir zərlə, qızılla.
Bu cah-cəlal ilə dönəkmi qula?
Bu yolla gedirik axı hara biz?
”Dindirir əsr bizi, dinməyiriz”.

Vaxtdır, ey millətim, döyüşə atıl,
Söykən öz kökünə, ocaq tək çatıl.
Sənin damarında türk nəbzi atır.
Zəfər bayrağına gərək dönək biz.
Dindirir əsr bizi, gərək dinək biz.
12.01.2008.

Müəllif:  Tofiq Qəbul

Müddətli müqavilə əsasında işə qəbul prosesinin I turu başa çatdı

20170525_091010

 

2018-2019-cu tədris ili üçün Təhsil Nazirliyi sisteminə daxil olan ümumi təhsil müəssisələrinə müddətli müqavilə əsasında müəllimlərin işə qəbulu zamanı 1178 namizəd uğur qazanaraq işə qəbul olub. Həmin müəllimlərlə əmək müqaviləsi bir tədris ili müddətinə – cari ilin sentyabr ayının 15-dən növbəti il iyun ayının 14-dək – bağlanılacaq. “Azərbaycan Respublikası Təhsil Nazirliyi sisteminə daxil olan ümumi təhsil müəssisələrində müəllimlərə tələbatın müəyyənləşdirilməsi, pedaqoji kadrların işə qəbulu və yerdəyişməsi Qaydaları”na uyğun olaraq müddətli müqavilə ilə işə qəbul edilmiş müəllimlər mərkəzləşdirilmiş müsabiqə yolu ilə işə qəbul edilmiş hesab olunurlar. Həmin müəllimlərə verilən əmək haqqı bilik və bacarıqların diaqnostik qiymətləndirilməsi imtahanında iştirak etmiş müəllimlərdə olduğu kimi yeni qaydada artımla ödəniləcək. Nəzərinizə çatdırırıq ki, həvəsləndirmə tədbirlərinin birinci və ikinci istiqaməti tətbiq edilən ümumi təhsil müəssisələrində müddətli müqavilə əsasında çalışan müəllimlərə sözügedən tədbirlər tətbiq edilməyəcək. Sosial məzuniyyətlə əlaqədar yaranan vakant yerlərdə işləyən müəllimlər istisna olmaqla, tədris ili ərzində müddətli müqavilə ilə işləyən müəllimlərin müddətsiz müqavilə ilə işə götürülməsi ilə bağlı müsahibələr keçiriləcək, uğur qazanmış müəllimlərin daimiləşməsi həyata keçiriləcək.

İLKİN  MƏNBƏ:

Posted by İnsan Resursları Mərkəzi on Tuesday, September 11, 2018

 

YAZARLAR.AZ

Gövhər Rüstəmova – “HƏSƏD” romandan bir parça:

41513699_309756086275035_4358665371851423744_n

HƏSƏD.
roman (68)
************************
Mətbəxdəki qab – qacaq səsinə yuxudan oyanan Çingiz saata baxdı.” Bu gün istirahət günüdür, anam nə tezdən oyanıb?!” , – düşündü.
Yerindən qalxıb, dəhlizə keçdi. Mətbəxə tərəf boylandı. Kamilə yır – yığışla məşğul idi.
-Ana, – Zaur astadan dilləndi, – niyə dincəlmirsən?
-Səni oyatdımmı?, – Kamilə gülümsədi, – vərdişdr. Bu vaxtlar yata bilmirəm. Özümdən biixtiyar oyanıram. Ürəyimdə o qədər götür – qoy edirəm ki, yuxum qaçır.
-Maraqlıdır, – Zaur da gülümsədi, – nəyi götür – qoy edirsən?
-Hm…, – Kamilə cavab verməyə tələsmədi, – əl – üzünü yu gəl hələ.
-Yaxşı, – Zaur razılaşdı.
Oğlu yuyunana qədər ana ona gözəl bir süfrə hazırladı, təzədəm çay süzdü:
-Hə, – dedi, – gəl bir söhbət edək.
-Edək, – Zaur məhrəbanı yerinə asıb, masa arxasına əyləşdi.Çaydan bir qurtum içdi, – sözlü adama oxşayırsan.
-Qardaşından məktub gəlib, – deyib Kamilə süfrənin altındakı zərfi çıxartdı, – sonuncu imtahanını da uğurla verib.
-Nə yaxşı, – Zaurun gözləri güldü, – Afərin!
-Hə…, – Kamilə də gülümsəməyə çalışdı.
-Bəs …niyə fikirlisən?, – Zaur anasına zəndlə baxdı, – sevinsənə!
-Əlbəttə , sevinirəm…amma…
-Ana, – Zaurun səbri tükəndi, – nə amma? Səni narahat edən nəsə varsa, açıq söylə.
-Narahat deyəndə ki…, – Kamilə söhbətə başladı, – deyirdim oxuyub gələr. Yaxşı bir iş tapar.
-Aha, – Zauru maraq aldı.
-Evləndirərik, – Kamilə davam etdi.Hətta…qız da gözaltı eləmişdim.
-Lap yaxşı, – Zaur iştahla yeməyə başladı, – burda nə var ki?
-Nə olacaq? Yaxşı deyirlər ki, “ sən saydığını say…”
-İndi keçək fələyin saydığına, – Zaur güldü.
-Yazıb ki, göstəricilərim yüksək olduğuna görə, məni burada saxlamaq istəyirlər, – ananın səsi titrədi.
-Əla! , – Zaur sevincək cavab verdi, – bu ki əla oldu! Elə bir nüfuzlu universitetdə oxuyub işləmək hər adama nəsib olmur.
-Orası elədir, – Kamilə köks ötürdü, – amma…mən anayam. Övladımı gözümün qarşısında görmək istəyirəm. Arzu – kamla toy edib, gəlin gətirmək istəyirəm.
-Nə olar, məzuniyyətə gələndə bu barədə onunla danışarsan.
-Ehh…vəziyyət başqa cürdü.
-Nə cür?
-Yazıb ki, bəyəndiyim qız var. Özü də…xarici…
-Doğru sözüdür?, – Zaur tikəsini uddu, – sağ ol, qaqa!
-Sən nəyə sevinirsən?, – Kamilə qayğılı görkəm aldı, – xaricidən adama gəlin olar?, – sözünə ara verdi, – düz deyirlər ki, uşağı gərək gözündən kənara qoymayasan. Böyük olsaq da , hərdənbir özümüzdən böyüklərin məsləhətini dinləyək gərək.
-Ana, – Zaur anasına təsəlli verməyə çalışdı, – burda narahat olası bir şey yoxdur.Könül sevən göyçək olar. Yəqin ki, ürəyinə o yatıb.Bir də ki, – gülümsədi, – o sənə gəlin yox, özünə həyat yoldaşı seçib.Öz həyatını kiminlə bağlamaq istəyirsə, qoy bağlasın.Sənin gözaltınsa, – gülümsədi, – sənin seçimindir, onun yox.
-Düz deyirsən, amma…hər halda öz millətimizdən olsaydı, yaxşı olardı.
-Seçimi öz öhdəsinə burax.Hər bir kəsin həyatını öz istədiyi şəkildə yaşamaq haqqı var.
-Hə…gələn ay məzuniyyətə gələcək. Yerli – yataqlı söhbət edərik, – fikrə getdi, – Orxanın da əsgəri xidmətini bitirməsinə az qalıb. Sağ – salamat qayıtsın bircə…Amma gözaltımı əldən vermək fikrində deyiləm, – xəfif gülümsədi, – məqam tapıb, Orxana göstərəcəyəm. Qız ürəyimə elə yatıb ki…Kaş bu evdə elə bir gəlinim olaydı.Ağıllı , kamallı, gözəl – göyçək, yerini bilən.Hələ ailəsini demirəm! Necə yüksək mədəniyyət sahibidirlər! Əsl özümüzə, ailəmizə uyğun!
-Ana, – Zaur dilləndi, – sən hansı zamanədə yaşayırsan? Çadranı başına salıb, qız bəyənmək dövrü arxada qalıb.
-Məsləhətli don gen olar.
-Razıyam. Böyük məsləhəti faydalı olur, amma ana, inan mənə seçim insanın öz ürəyicə olmalıdır.
-Olsun da. Bəlkə elə görən kimi bir könüldən – min könülə aşiq olacaq? O qızı bəyənməmək olar?, – Kamilə gözucu oğluna baxdı, – huri – mələkdir. Kimliyi sənə maraqlı deyil?
-Tanıdığımız adamdır?, – Zaur maraqla anasına baxdı.
-Əlbəttə. Tanımadığımızı bu qədər tərifləyərəmmi?
-Kimdir?
-Yaxşı düşün. Gör ağlına kim gəlir?
-M…m…, – Zaur fikrə getdi, – nə bilim…elə bir adam fikrimə gəlmir, – gülümsədi, – mənim camaatın qızı ilə nə işim var axı?
-Həə, – Kamilə oturacağa söykəndi, – ipucu verirəm. Sən onu hər gün görürsən. Xətrini çox istəyirsən. Ad günündə də bizdə olub, – nə fikirləşdisə, üstündən tez ötməyi qərara aldı, – bir sözlə, yaxşı qızdır.
“Aman Allah!, – Zaurun boğazı qurudu, – yoxsa…yoxsa anam…Nübarı nəzərdə tutur?”.
Anasının gözlərinə baxdı. “ Həə, deyəsən elədir!”.
-Yaxşı, – Kamilə oğlunu çox gözlətmədi, – onu da qoy deyim, siz bir yerdə oxuyursunuz.
-Ana!, – Zaur sanki diksindi, – sən nə danışırsan?, – özü də hiss etmədən səsini qaldırdı.
-Nə oldu?, – Kamilə çaş – baş qaldı, – pis qızdır ki? Kaş hər evə o cür gəlin nəsib olaydı. Siz otaqda şənlənəndə burda, mətbəxdə mənə o qədər kömək etdi ki….Necə səliqə – sahmanlı qızdır. Heç deməzsən ki, o cür kübar ailənin yeganə övladıdır. Əziz – giramisidir. Halal olsun o cür qız böyüdən anaya! Rəfiqə xanım özü də bir başqa aləmdir. Yox, bu cür ailəni, o cür qızı əldən vermək olmaz.
-Demək…Nübar da , ailəsi də ürəyinə çox yatıb, – Zaur gülümsədi.
-Hə, çox! Özü də lap çox! , – Kamilə qətiyyətlə dilləndi, – Onu əldən verən deyiləm!
-Olsun. Vermə!, – Zaur ucadan güldü.
-Nəyə gülürsən?, – ana təəccübləndi, – Orxanıma da yaraşar!
-Sənin Orxanının öz gözaltısı var, – Zaur yenidən güldü, – məlumun olsun.
-A…necə yəni?, – Kamilə çaşqınlıqla oğluna baxdı, – necə yəni…sən…nə…
-Ana, özü gələndə sənə hər şeyi izah edəcək. Onlar məktəb illərindən bir – birinə söz veriblər. Hələlik bu qədər, – deyib Zaur yerindən qalxdı.
-Dayan görüm a bala, – Kamilə oğlunu əylədi, – kimdir? nəçidir?
-Artıq heç bir şey söyləməyəcəyəm, – Zaur ciddi görkəm aldı, – qardaşımın mənə etdiyi etibarı itirmək fikrində deyiləm.
-Yaxşı bəs…, – Kamilə oğluna baxdı, – bəs…Nübar? Mən o qızı balam kimi sevdim. Xəyalən onu bu evdə gəlin gördüm,ailəsini özümə doğma bildim, – gözləri doldu, – niyə belə oldu axı?
-Nə oldu ki?, – Zaur anasını qucaqladı, – məncə…elə ciddi bir şey olmayıb.
-Olub, – Kamilə köks ötürdü, – mən onu çox bəyənirəm.
-Lap yaxşı edirsən, – Kamilənin üzündən öpdü, – elə də davam et.
-Eh…xeyri nədir…, – ana məyus – məyus oğluna baxdı, – xəyallarım puç oldu.
-Olmayıb, narahat olma.
-Olub, olub, – əlindəki çay dəsmalını yüngülcə oğlunun kürəyinə vurdu, – böyümüsünüz, ana sözünə baxmırsız.
-Mən baxıram, – Zaur gülümsədi, – nə desən, razıyam.
-Ehh…vaxtı çatanda sən də qulaq asmayacaqsan.
-Asacağam. Söz verirəm, – Zaur güldü, – hərçənd ki, vaxtı deyil…amma…
-Nə demək istəyirsən?, – Kamilə sanki yuxudan ayıldı.
-Demək istəyirəm ki…
-Hə….
-Demək istəyirəm ki.., – rəngi alındı, – sənin…hələ bir oğlun da var.
-Nə…harda…, – Kamilə özünü itirdi.
-Ehtiyatda, – Zaur ucadan güldü, – yoxsa məni hesaba almırsan?
-Sən…sən…a bala…
-Bir söz idi dedim, – anasının yanağından öpdü, – səni məyus edə bilmərəm.Arzuna çatmağın üçün əlimdən gələni edəcəyəm.
-Bıy…, – Kamilə nə deyəcəyini bilmədi, – sən..Nübar…dayan görüm.
-Gedim imtahan suallarına baxım, – Zaur dəhlizə çıxdı, – dönüb mat qalmış anasına baxdı, – istəyin nə vaxtsa gerçəkləşə bilər.
Kamilə bir söz deməyib, yenidən oturacağa əylşdi. “ Zaman nə tez ötdü, – düşündü, – Zaurum da böyüyüb sən demə…Qız bəyənib, – gülümsədi, – özü də…Nübarı! “.
-Hə , yaxşı yadıma düşdü, – Zaur yenidən mətbəxdə göründü, – o da səni çox istəyir. Bax, görürsənmi, – dodağı qaçdı, – hər şey qarşılıqlıdır.
-Belə görürəm ki, torbada pişik var, – ananın gözləri güldü, – deyəsən sən hamıdan qabağa düşəcəksən.
-Yox ana, – Zaur mehribanlıqla anasına baxdı, – mənim təhsilimi başa vurmağım, əsgəri xidmətə getməyim üçün zaman lazımdır. O vaxta qədər qardaşlarım da evlənər. Mən sənin sonbeşiyinəm, önə keçmək fikrim yoxdur.
-Bəs…Nübar…istəyəni olsa, o zaman…necə olacaq?
-Ürəyindəyəmsə…gözləyər.
-Özü ilə bu barədə danışmısanmı?
-Hələ ki…yox.
-Danış…mütləq danış.
-Məncə…o da eyni fikirdədir.
-Bu gündən sabaha etibar yoxdur, – ana qayğılı görkəm aldı, – həm də bir yerdə oxuyursunuz. Gec – tez məsələ üzə çıxacaq. Qızı evlərinə ötürmək, gəzintiyə dəvət etmək istəyəcəksən.
Zaur dillənmədi.
-Qızın adına söz gələ bilər axı…Ailəsi də narahat olar.
-Olmaz. Biz heç bir qəbahətə yol vermirik. Sadəcə tələbə yoldaşıyıq, vəssalam.
-Xeyirli olsun, bala, – Kamilənin gözü yol çəkdi, – təki hər şey könlümüzcə olsun.Qardaşların da gələr, bir yerə toplaşıb, qərar qəbul edərik.
-Nə qərar?, – Zaur güldü, – qərar qətidir.
-Onu demirəm…, – Kamilə də güldü, – deyirəm bəlkə…Rəfiqə xanımla danışım…bir üzük də olsa…
-O sonranın işidir. Mən sənin narahatlığına son qoymaq üçün bunları söylədim.Sonrasını isə…zaman göstərər.
Ardı var.

İLKİN MƏNBƏ:

YAZARLAR.AZ

TÜRK DÜNYASI ŞAİRLERİ ANTOLOJİSİ HAZIRLANIYOR.

41327568_1925652634157661_375514982168657920_n

 

TÜRK DÜNYASI ŞAİRLERİ ANTOLOJİSİ HAZIRLANIYOR.
”SİZ BİRBİRİNİZDEN AYRILIRSANIZ, HEPİNİZİ OK GİBİ BİRER BİRER KIRIP PARÇALARLAR.OYSA BİRLİK OLURSANIZ, HİÇBİR KUVVET SİZİ KIRAMAZ.” (OĞUZ KAĞAN)
“DİLDE , FİKİRDE, İŞDE BİRLİK “ (GASPARALI)

2013 YILINDA 1-2 CİLT OLARAK ÇIKARDIĞIMIZ, TÜRK DÜNYASI ŞAİRLERİ ANTOLOJİSİ 3-4. SAYISINI ÇIKIYORUZ. HER YIL GELENEKSEL OLARAK ÇIKACAK ANTOLOJİMİZE 20 ÜLKEDEN 500 ŞAİR KATILIMCI OLARAK YER ALACAK.
TÜRK DÜNYASINDA BİRLİK VE BERABERLİK SEMBOLU OLAN TÜRK DÜNYASI ŞAİRLERİ ANTOLOJİSİ ANTOLOJİ DİL BİRLİĞİ, GÖNÜL BİRLİĞİ ÇALIŞMALARIMIZA ÇOK FAYDALI OLACAKTIR.
KATILIM KOŞULLARI;
KONU: VATAN,MEMLEKET,KAHRAMANLIK BAŞTA OLMAK ÜZERE, HER ALANDA OLABİLİR.
LİRİK,EPİK,DİDAKTİK,PASTORAL,SATİRİK, DRAMATİK .
TÜRÜ: HECE,ARUZ, SERBEST
TÜRK DÜNYASI ŞAİRLERİ ANTOLOJİSİNE GÖNDERİLEN ŞİİRLERDEN “SEÇİCİ KURUL” TARAFINDAN YAYINLANMASINA DEĞER GÖRÜLEN ŞİİRLER YAYINLANACAKTIR. YAYINLANMAYAN ŞİİRLER VE GÖNDERİLEN ÜCRET HAVALE VEYA HERHANGİ BİR MASRAF BEDELİ VARSA MAKBUZ KARŞILIĞI BELİRTİLEREK KİŞİYE İADE EDİLECEKTİR.

HER KATILIMCIYA 3 SAYFA AYRILACAK.
KATILIMCILAR 5 ADET ŞİİR,KISA BİR ÖZ GEÇMİŞ VE FOTOĞRAF,
ADRES VE TELEFON BİLGİLERİNİ EKSİKSİZ GÖNDERECEKLER.
KATILIMCILARA 2 CİLT KİTAP VERİLECEK
KİTABIMIZ BÜYÜK BOY OLACAK
KARGO ÜCRETİ KATILIMCILARA AİT OLACAK.
KATILIM ÜCRETİ;
TÜRKİYE: 100 TL
AZERBAYCAN: 30 MANAT
AVRUPA: 15 EURO
ASYA: 20 DOLAR
KİTAP ÖZELLİKLERİ;
ÖLÇÜSÜ 16 X 24 EBATINDA
2 CİLT, YAKLAŞIK 1400 SAYFA
PARLAK SELEFON
ENZO 70 GR KAĞIT
BASKI: 2000 TAKIM (1000 TAKIM KİTAP OKULLARA ÜCRETSİZ DAĞITILACAK.)
BAŞLAMA TARİHİ: 10 EYLÜL 2018
SON KATILIM TARİHİ: 10 ARALIK 2018
BASKI TARİHİ: 10 OCAK 2019
ETKİNLİKLERİ-ANTALYA-İSTANBUL-ADANA- ANKARA-ERZURUM- İZMİR İLLERİ İLE, AZERBAYCAN, BOSNA HERSEK-BULGARİSTAN, ÖZBEKİSTAN VE KAZAKİSTAN’DA YAPILACAK.
ESERLERİN GÖNDERİLECEĞİ E.POSTA: askefturk@hotmail.com
KATILIM ÜCRETLERİ;
TÜRKİYE:
AVRASYA SANAT KÜLTÜR EDEBİYAT VE BİLİM FEDERASYONU İŞ BANKASI ANTALYA ŞUBESİ
HESAP NO : 6200- 4233684- IBAN: TR 250006400000162004233684
AZERAYCAN: BAŞKAN MÜŞAVİRİ SONA İSMAYILOVA
ÖZBEKİSTAN: ASKEF TEMSİLCİSİ MUAZZAM İBROHİMOVA
BULGARİSTAN: ASKEF TEMSİLCİSİ RÜSTEM AZİZ
ALMANYA: ASKEF TEMSİLCİSİ AYDIN TAZEGÜL
KIBRIS: ASKEF TEMSİLCİSİ HASAN ÇAKMAK
ERBİL:ASKEF TEMSİLCİSİ ESAT ERBİL
KERKÜK: ASKEF TEMSİCİSİ ABDULHALİK HÜRMÜZLÜ.

İLKİN MƏNBƏ: 

 

YAZARLAR.AZ