ZAUR  USTAC  HAQQINDA  OLAN  KİTABLAR

 

ZAUR  USTAC  HAQQINDA  OLAN  KİTABLAR:

 

1. Hacıxanım AİDA    “ÖMRÜN ANLARI ”  Bakı – 2018. PDF: HXA-OMURAN

2.Hacıxanım AİDA    “OTUZ ŞEİR, OTUZ FİKİR ”  Bakı – 2018. PDF: HXA-OTUZFİKİR

 

YAZARLAR.AZ

Advertisements

ZAUR USTAC HAQQINDA İKİNCİ KİTAB

QTFS

Redaktor və rəssam: Şəhin Senayi Fərd.

رئداکتـــور و رســـام :  شهین ثنایی فرد

 

Hacıxanım AİDA

“OTUZ ŞEİR, OTUZ FİKİR(Zaur Ustac və şeirləri haqqında)EK

Bakı, “USTAC.AZ” nəşrləri, 2018, 106 səh.

Kod: EK-004-04- MZM-14 -20-18

 

Elektron  Kitab  Zaur  Ustac  yaradıcılığının   30   illik yubiley  tədbirləri  çərçivəsində   nəşr  olunur. Bu kitabda –  (Y-30-EK-04-ZU) – Şairin   tərtibçilər  tərəfindən  əsasən “OTUZ  İLDİR, ƏLDƏ QƏLƏM” adlı  kitabından təsadüfi  qaydada  simvolik  olaraq  seçilmiş  otuz  şeiri  və tanınmış  ziyalılarımızın; şairlərin, yazıçıların, müəllimlərin, filoloqların, psixoloqların,  həkimlərin, daimi  oxucuların  fikirləri  yer almışdır.

KİTAB PDF FORMATDA BURADA:  HXA-OTUZFİKİR

 

Hacıxanım AİDA

13 -Ü NƏS GÜNDÜR, YA SADƏCƏ 12-SİNİN ERTƏSİ GÜNÜDÜR???

13 -Ü NƏS GÜNDÜR, YA SADƏCƏ 12-SİNİN ERTƏSİ GÜNÜDÜR??? – BU SUALA 25 ILDIR CAVAB TAPA BİLMİRƏM. ÇOXLARINA BU MƏTLƏB BOĞAZDAN YUXARI VƏ YA HƏTTA PAFOSLU KİMİ DƏ GÖRÜNƏ BİLƏR. ANCAQ, AND OLSUN UCA YARADANA Kİ, BU BELƏ DEYİL… SADƏCƏ BU SUALA CAVAB VERMƏK ÜÇÜN 25 İL BƏS ELƏMƏDİ… HƏLƏLİK SİZƏ BİR İP UCU VERƏ BİLƏRƏM. MƏNİMİ EVİMİ, BAĞ-BAĞATIMI YÜZ İLLƏRDƏN BƏRİ ATA-BABALARIN QURUB – YARADIB BİZƏ ƏMANƏT  ETDİKLƏRİ HANSISA AXMAĞIN (İFADƏMƏ GÖRƏ ÜZR İSTƏYİRƏM BUNUN BAŞQA ADI YOXDUR HADİSƏLƏRİN BİRBAŞA İŞTİRAKÇISI VƏ ZƏRƏRÇƏKƏNİ KİMİ BUNU TAM MƏSULİYYƏTİ İLƏ VURĞULAYARAQ QEYD EDİRƏM) SƏBATSIZLIĞI UCBATINDAN 2 SAATIN İÇİNDƏ YANIB KÜL OLDUĞU ZAMAN MƏN ƏLİ SİLAHLI (TAM TƏHCİZAT)

13254464_839432916189849_425391914529022743_n

GƏNCƏ – BAKI ARASI GORANIN ÇÖLLƏRİNDƏ (İYUNUN 3 -DƏN, 13 -DƏK 1993-CÜ İL) SƏRGƏRDAN GƏZİRDİM… VƏ HƏMİN GÜNLƏRDƏ NƏYƏSƏ GÖRƏ MƏNİM YURD-YUVAM XARABAZARA ÇEVRİLİRDİ – İNDİKİ VƏZİYYƏT VİDEODA:

13 -Ü NƏS GÜNDÜR, YA SADƏCƏ 12-SİNİN ERTƏSİ GÜNÜDÜR???

Müəllif: Zaur Ustac

TƏQVİMDƏ BU GÜN MİLLİ QƏHRƏMAN ZABİT QULİYEVİN AD GÜNÜDÜR

 

 

1444909488_image001

BU GÜN MİLLİ QƏHRƏMAN ZABİT QULİYEVİN AD GÜNÜDÜR. DOĞUM GÜNÜ MÜNASİBƏTİ İLƏ QƏHRƏMANIMIZI TƏBRİK EDİR, UZUN ÖMÜR CAN SAĞLIĞI ARZU EDİRİK!!!

 

YAZARLAR.AZ

 

Mənbə:

https://az.wikipedia.org/wiki/Zabit_Quliyev

İntiqam Yaşarın “Evdə yoxam” şeirlər kitabının təqdimatı oldu.

 

as46425030.jpg

 Bu gün Azərbaycan Milli Kitabxanasının nəzdindəki  “Açıq kitabxana”da gənc şair İntiqam Yaşarın “Evdə yoxam” şeirlər kitabının təqdimatı oldu.

Azərbaycan Respublikasının Mədəniyyət və Turizm Nazirliyi, Azərbaycan Yazıçılar Birliyi və M.F.Axundov adına Milli Kitabxananın birgə təşkilatçılığı ilə “Açıq kitabxana” bölməsində baş tutan təqdimat mərasimini giriş sözü ilə kitabxananın direktor müavini Ədibə İsmayılova açıb.
Tanınmış yazıçı Kənan Hacının  moderatorluğu ilə keçən tədbirdə
AYB-nin gənclər üzrə katibi Rəşad Məcid,  Xalq artisti Eldost Bayram,
Dünya Gənc Türk Yazarlar Birliyi Təsisçilər Şurasının başqanı Əkbər Qoşalı,  “Ulduz” jurnalının nümayəndəsi Fərqanə Mehtiyeva,  yazarlardan  İlqar Türkoğlu,  Musa Ələkbərli, Süleyman Abdulla, Arzu Murad və digər tanınmış ədəbiyyat nümayəndələri öz çıxışlarında  İntiqam Yaşar yaradıcılığının   fərqliliyindən söhbət açdı, müəllifə gələcək yaradıcılığında uğurlar arzuladılar.

Sonda yeni kitabların işıq üzü görməsi münasibəti ilə verilən   “YAZARLAR”-IN YAZARI “ZİYADAR” diplomu  Zaur Ustac tərəfindən gənc yazara təqdim olundu.

YAZARLAR.AZ

 

 

DAĞLAR – ZAUR USTAC.

KC

DAĞLAR
(Ruhuna min rəhmət dədə Ələsgər…)

Nədəndi, ürəyim çırpınır yenə,
Gördükcə hüsnündə məlalı, dağlar?!
Yağı cövlan edir, dağıdır yenə,
Qoynunda büsatı, cəlalı, dağlar!
* * *
De, çoxmu çəkərik zülüm-zilləti????
Mövcud hal -vəziyyət üzür milləti,
Onsuz da düşmənin puçdu niyyəti,
Ordumun beşiyi, vüsalı, dağlar!
* * *
Dünya belə qalmaz, dəyişər zaman,
Yenə dövran olar, həmənki dövran,
Bulaqlar başında məclislər quran,
Oğullar ərsəyə gələli, dağlar!
* * *
Ustac bulud kimi dolub, ağlamır,
Köksünün yarası qaysaq bağlamır,
Bir bilsən, ruhumu nələr çuğlamır,
Doğacaq nə zaman Hilalın, dağlar?!

07.05.1995. Marağa.

Müəllif: Zaur Ustac
© Zaur USTAC,2018. Bakı.
WWW.YAZARLAR.AZ və WWW.USTAC.AZ

“MUM KİMİ YUMŞALANDA” kitabından.

TOFİQ QƏBUL – NAXIŞLI SÖZLƏR…

 

yaz

 

MÜSTƏQİL AZƏRBAYCAN 

Əlli milyonluq xalqa bir ümıddır yurdumuz,
Mın illərın izi var onun hər qarışında.
Atropaten, Midiya yaradan əcdadımız
Bilib, bu xalq uduzmaz millətlər yarışında.

Döyüşlərdən yoğrulub müstəqil Azərbaycan,
Günəş kimi döğulub müstəqil Azərbaycan !

Atabəylər dövləti, Səfəvilər dövləti
Gücümüz, qüdrətimiz, fəxrimiz, qürurumuz.
Atabəy Eldənizlə Şah İsmayıl Xətai
Azadlıq aşiqimiz, həm dövlət qurucumuz.

Döyüşlərdən yoğrulub müstəqil Azərbaycan,
Günəş kimi doğulub müstəqil Azərbaycan !

Dövlətçilik millətin qəlbində, amalında,
Azadlıq şölələnir Atəşgah ocağında.
Kür, Araz axır, axır xalqın qan damarında,
Azadlığın al rəngi Babəkin bayrağında.

Döyüşlərdən yoğrulub müstəqil Azərbaycan,
Günəş kimi doğulub müstəqqil Azərbaycan !

Paramparça etdilər dönmədi inamından,
‘Gülüstan’ sülh sazişi yadların toy-növrağı.
Min-min oğul qorxmadı bu savaş meydanından,
Yenə göyə ucaldı Azərbaycan bayrağı.

Döyüşlərdən yoğrulub müstəqil Azərbaycan,
Günəş kimi doğulub müstəqil Azərbaycan !

Bir bax Azərbaycana dünya xəritəsində
Millətlərin içində onun da imzası var.
Bir qartaldır dolanır daim Yer kürəsində
Beynəlxalq təşkilatda onun da gur səsi var.

Döyüşlərdən yoğrulub müstəqil Azərbaycan,
Günəş kimi doğulub müstəqil Azərbaycan !

Üçrəngli bayrağımız Xəzərin sahilində,
Necə qürur duymayım, necə sevinməyim mən?!
Nəğmələr qanadlanır Azərbaycan dilində,
Heç bilmirəm, bu şeir necə axdı dilimdən

Döyüşlərdən yoğrulub müstəqil Azərbaycan,
Günəş kimi doğulub müstəqil Azərbaycan !
15.01.2016.

====================================================================

100 İL.

BİR ƏSRLİK SINAQDAN
POLAD OLUB ÇIXDIQ BİZ.
İSTİQLAL AMALINI
SİNƏMİZƏ SIXDIQ BİZ.

DÜZ YÜZ IL BUNDAN ƏVVƏL
AXAR ÇAYLAR DURULDU.
YOXDAN VAR OLAN DÖVLƏT-
CÜMHURRİYYƏT QURULDU.

YETMİŞ İL QOPARDILAR
XALQI ÖZ BAYRAĞINDAN.
QARA KÜLƏKLƏR ƏSDİ
ATƏŞGAH OCAĞINDAN.

CÜMHURRİYYƏT ÇINQISI
YETMİŞ İLDƏ KÖZ OLDU.
DOLDU ÜRƏYİMİZƏ,
HƏR BİR ÇINQI GÖZ OLDU.

YENƏ BOYLANDI GÜNƏŞ
DALĞALI XƏZƏRİMDƏ.
BAYRRAĞIMIN ÜÇ RƏNGİ
ÇAĞLADI XƏZƏRİMDƏ.

DÖYÜŞDƏN QALİB ÇIXDIQ,
İSTİQLALIM VAR MƏNİM.
XƏTAİ NƏFƏSLİDİR
YÜZ MIN ILLIK DÜNƏNİM.

DÜNYA XƏRİTƏSİNDƏ
YANARDAĞIQ BİZ HƏR AN.
YAŞAYACAQ MİN İLLƏR
MÜSTƏQİL AZƏRBAYCAN !
MÜSTƏQİL AZƏRBAYCAN !
28.05.2018.

==================================================================

BULUD 

BULUDA BAX, BULUDA,
GÖR BİR NƏYƏ OXŞAYIR.
GAH QUZUYA, KEÇİYƏ,
GAH DƏVƏYƏ OXŞAYIR.
BİRDƏN GÖRÜRSƏN, PİŞİK,
BİRDƏN DƏ DOVŞAN OLUR.
BİRDƏN GÖRÜRSİN, TÜLKÜ,
BİRDƏN DƏ ASLAN OLUR.
GAH DA DÖNÜB EYNƏKLİ
BİR ADAMA BƏNZƏYİR.
NƏ QƏRİBƏ İŞDİR BU,
LAP ATAMA BƏNZƏYİR.
SANKİ TARLADIR BULUD
PAMBIQ FARAŞ-FARAŞDIR.
BU BULUDA SÖZÜM YOX,
ƏSİL HEYKƏLTARAŞDIR.

23.05.2016.

=================================================================

MƏKTƏB İLLƏRİ.

Şirin xatirədir məktəb illəri,
Bir çiskin yağış tək ruha çilənir.
Xəyal o illərə qanadlandıqca
Hardasa bir həzin kaman dillənir.

İlıq bir təbəssüm qonur üzümə
Hər dəfə müəllim yada düşəndə.
Xatirə buiaq tək hey axır, axır
Sinif yoldaşımla hər görüşəndə.

Siz, ey məktəblilər, siz, ey şagirdlər,
Mənim sözlərimi dinləyin bir az.
On bir il ömrün bir parçasıdır,
Bu qızıl illəri itirmək olmaz.

Müəllimə əyilin, ucaltsın sizi,
Sinif otaqları çağlayan dəniz.
Məktəb illərini elə yaşayın,
Sonra o illəri ana biləsiz,
Sonra o illəri ana biləsiz.

4.09.2015

Müəllif: Tofiq Qəbul

HƏLƏ MƏN VƏ HƏLƏ SƏN – ZAUR USTAC

 

 

KB

 

HƏLƏ  MƏN

 

Dedilər, eşitdim sevmirsən məni,

Dedilər ki, unut məhəbbətini,

Demək tapdamısan eşq çəmənini,

Bizi qınamazmı o gül, o çəmən

O, çəməndən doymamışdım hələ mən.

=   =   =

Çox da ki, desinlər, sevməyirsən sən,

Mənim saf eşqimi rədd eləyirsən,

Bu ilk məhəbbəti unutmaram mən.

Bəs bizə nə deyər, eşidən, bilən

İstəmirəm, dilə düşüm, hələ mən.

=   =   =

Sən məni sevmirsən, mən ki, sevirəm,

Sən həsrət çəkmirsən, mən ki, çəkirəm,

Sənin həsrətini nəzmə çəkirəm,

Ürəyimi boşaldıram qələmnən,

İstəməzdim, şair olum hələ mən…

 

06 noyabr 1990 Yusifcanlı

 

 

============================================================================

 

 

 

HƏLƏ  SƏN

 

Bəs mənə nə deyər, dostlar, tanışlar?

Söylə görüm, bu işi kim bağışlar?

Dost qəmlənər, düşmən bunu alqışlar,

Məhəbbətin nə olduğun get öyrən,

Nabələdsən, böyük yolda hələ sən!

=   =    =

Həvəs nədi, məhəbbət nə get öyrən,

Səadət nə, hərislik nə get öyrən,

Səxavət nə, xəbislik nə get öyrən,

Bütün bunlar lazımdıki biləsən,

Nabələdsən, böyük yolda hələ sən!

=   =   =

Gözəl sima, heç gözəllik deyildir.

İncə bədən, heç incəlik deyildir.

Zərif tellər, heç zəriflik deyildir.

Gözəl insan, sən daxilən gözəlsən,

Nabələdsən, böyük yolda hələ sən!

 

06 noyabr 1990 Yusifcanlı

 

 

 

 

Müəllif: Zaur Ustac
© Zaur USTAC,2018. Bakı.
WWW.YAZARLAR.AZ və WWW.USTAC.AZ

“İSTƏMƏZDİM  ŞAİR  OLUM  HƏLƏ  MƏN” kitabından.

AĞ ÇİÇƏYİM – ZAUR USTAC.

 

KA

 

AĞ ÇİÇƏYİM

Qış tüğyan edirdi ömür bağında,
Hamı süst yatırdı ağ yorğanında,
Qəfil gördüm səni bar budağında,
Xoş gördük, GÜN AYDIN, ay Ağ çiçəyim!
= = =
Dümağsan, qar sənin yanında qara,
Tanrım rüsxət verib, baxmayıb qara,
Bu, qarlı qış hara, tər çiçək hara,
Xoş gördük, GÜN AYDIN, ay Ağ çiçəyim!
= = =
Əllərim pak deyil oxşayım səni,
Həddim o hədd deyil qoxlayım səni,
Bağbanam borcumdur yoxlayım səni,
Xoş gördük, GÜN AYDIN, ay Ağ çiçəyim!!!

06 may 2010

Müəllif: Zaur Ustac
© Zaur USTAC,2018. Bakı.
WWW.YAZARLAR.AZ və WWW.USTAC.AZ

“GÜNAYDIN” (AĞÇİÇƏYİM) kitabından.