ZAUR USTAC – DÜŞÜB

 

13754220_573656716127240_6950948114086678956_n

DÜŞÜB
Sayı itib ayın, günün, saatın,
Ürəyimə atəş düşüb, od düşüb…
Haçan gəlim ağ əlini  öpməyə?
Ürəyimə nabat düşüb, qənd düşüb…
* * *
Əl öpənin çox olmasın, tək olum,
Məcnun kimdi, Kərəm kimdi yek olum,
Qoy həmişə nübar olum, ilk olum,
Ürəyimə gilas düşüb, tut düşüb…
* * *
Ustacın qibləsi çöhri-qəməri,
O da istər desin zikri-qəməri,
Niqabın gizlədib fitri-qəməri,
Bir zeh göstər, ürəyimə mət düşüb…

Müəllif: Zaur Ustac زائـــور اوستاج
© Zaur USTAC,2018. Bakı.
WWW.YAZARLAR.AZ və WWW.USTAC.AZ

Advertisements

ADİL CƏFAKEŞİN “AĞAM ALIDI” ADLI YENİ KİTABI İŞIQ ÜZÜ GÖRÜB

adil6

ADİL CƏFAKEŞİN “AĞAM ALIDI” ADLI YENİ KİTABI İŞIQ ÜZÜ GÖRÜB:

“NƏRGİZ” NƏŞRİYYATINDA ÇAP OLUNAN KİTABIN REDAKTORU AZƏRBAYCAN AŞIQLAR BİRLİYİNİN SƏDRİ, ƏMƏKDAR ELM XADİMİ, PROFESSOR MƏHƏRRƏM QASIMLIDIR. BU BAYRAM GÜNÜNDƏ ADİLİ MÜƏLLİMİ TƏBRİK EDİR VƏ UĞURLARININ BOL OLMASINI ARZU EDİRİK. XEYİRLİ, UĞURLU OLSUN!!!

QEYD:

KİTABI ƏLDƏ ETMƏK İSTƏYƏNLƏR METRONUN  “ELMLƏR AKADEMİYASI”  STANSİYASININ ÇIXIŞINDAKI “REBUS” KİTAB MAĞAZASINA MÜRACİƏT EDƏ BİLƏR.

YAZARLAR.AZ

GƏRƏK – ZAUR USTAC.

gerek

GƏRƏK
Gədadan bəy olmaz, geysə zər-xara,
Nəcabət adamın kökündə gərək.
Soysuzda ar olmaz, qanmazda həya,
Əzəmət insanın görkündə gərək.
* * *
Arif olan ağzı yelə dolanmaz,
Çeşmə suyu ha lillənə bulanmaz,
“Suzuz quyu su tökməklə sulanmaz”,
Kəramət quyunun təkində gərək.
* * *
Ustac önəm verər söhbətdə süsə,
Düşməsin bir kimsə qəflətdə sisə,
Heç zaman söyməyin əbcəddə nəsə,
Məharət hesabın təkində gərək…

Müəllif: Zaur Ustac زائـــور اوستاج
© Zaur USTAC,2018. Bakı.
WWW.YAZARLAR.AZ və WWW.USTAC.AZ

AZƏRBAYCAN – TUNC AY.

ev

AZƏRBAYCAN

Müəllif: Tuncay MUSTAFAYEV

BİZ MÜSTƏQİL DÖVLƏTİK

BİZİM  BAYRAĞIMIZ   VAR

BABALARDAN  ƏMANƏT

QALAN  TORPAĞIMIZ  VAR.

BORCLUYUQ QORUMAĞA,

QULUĞUNDA  DURMAĞA,

ƏKMƏYƏ, SUVARMAĞA,

DƏDƏ  TÖVSİYƏMİZ VAR.

TUNCAYAM, ELİM AĞDAM,

İNANA BİLMİR ADAM,

VƏTƏN EDİLİB EDAM,

DÖRD YANDA TİKƏMİZ VAR…

14.04.2018. (İLK ŞEİR) BAKI Ş.

Mənbə: Tuncay Sensey

 

 

 

ÇƏTİNDİR – İLDIRIM ƏKBƏROĞLU

İLƏK

 

ÇƏTİNDİR

Hərə düşüb bir çığıra yol gedir,
Özgə yolda gözün varsa çətindir.
Qismət yerdə,qismət yazan göydədir,
İstədiyin dövlət-varsa çətindir.

Kaman yoxsa silah deyil,çöpdü ox,
Təpər varsa qorunmağa daş da çox.
Şaxta vursa gülü kolda,eybi yox,
Gül bitirən kolu vursa çətindir.

Dünya malı dəyməz adi bir daşa,
Qardaş onu qıymasa da qardaşa.
Xoş etdinsə bir könülü min yaşa,
Qananına könül qırsa çətindir.

Ay İldırım,öz ağılın,öz əlin,
İş gör, işin, şanı olsun hər ilin.
Köçüb getdin bu dünyadan,əməlin,
Ürəklərdə yaşamasa çətindir.

Müəllif:  Ildırım Akberoğlu

توحید – زائور اوستاج

 

20622015_1809233162721390_1413670792984101892_n

 

توحید

 

اوجا یارالدانین تک اولدوغونا؛

نه باده قه ل بینده شوبهه اویانا

چون اگر اولسایدی خیلاف قئیریسی؛

بونو آنلایاردی موطله ق بیریسی.

گونه شین ساعتی آیین ساعتی؛

چوخ دقیق دؤنده ریر؛توم کایناتی.

ائله قورولوب کی؛نیظام محوری

گئجه ی له ؛ گوندوزون سهو دوشمه ز یئری.

ذرره ده ن ان بؤیوک اولدوزا قه ده ر؛

بیر؛؛اول؛؛-آ باغلیسا؛اوندا نه که ده ر…

حمد اولسون آللاها تانیریق اونو؛

هر کلمه باشیندا آنیریق اونو.

تک دیر احتیاج سیز؛بیز اونا ؛ باغلی؛

بونجا درک ائیله یه ر اینسانین عاغلی

 

Müəllif: Zaur Ustac

 

 

 

شوکرانلیق – زائور اوستاج

20622060_1952754228343398_4916404573323735877_n

شوکرانلیق

سلام اولسون سه نه ای گؤزه ل اینسان؛

مین شوکور حاققاکی؛حاققا چاتمیسان

حه له گؤرونمه ییب؛اولسون بئله حال؛

بیر کیتاب اوخویان گؤره قئیل وقال.

بوتون عورفان اهلی بو رای ده یئک دیل؛

کیتاب سایه سینده؛زه ن گین له شیر دیل.

شوکور یارالدانا قیلیبدیر ایمکان؛

بئله بیر گؤروشو ائدیپ آرماغان

هر یئنی فورصه تی مه نه وئره ن ده

ایلکین شوکرو ثنابیتیر دیلیمده

لینده ن توتدوغون بیر ییغین کاغیذ؛

کیتاب اولاجاقدیر دیندیکجه آغیز

قوتلو یارانیشین اشرفی اینسان؛

عالی اولدوغونو خاطیرلا هر آن

آند گه ل دی قه له مه؛قه له م توتانا؛

قه فیل له ر اویانا بلکه اوتانا.

وخوماق اؤیره تدی ؛یازماق اؤیره تدی؛

قوروجا تاختادان بیر دیل اوره تدی

کاغیذی موقه دده س بیلمیشیک هر واخت.

اوستونده جانلی سؤزیاشاییر حیات

شوکور بو نعمه ته شوکورقیسمه ته.

ایسده ره م بوپایدان هامییا یئته

شوکوریارالدانا نئچه کی ساغام؛

اونون ساراییندا سیزه قوناغام

مه ن یازیم بولاقلارسوزولسون گؤله

میرواری کلمه له ر دوزولسون دیله

مین شوکورحاققا کی دیل وئریب بیزه؛

سیزین له گؤروشه یول وئریب بیزه

Müəllif: Zaur UstacZaur Ustac

 

 

 

TALELƏRİN RƏNGİNİ ÇƏK – Həqiqət Həqiqi.

 

20622060_1952754228343398_4916404573323735877_n

TALELƏRİN RƏNGİNİ ÇƏK

Nə gəzirsən səmalarda,
Uzaq düşür xəyallar da.
Yağış ilə süzülərək,
Buludlar da bu yollarda.

Bir yerə bax,bir göyə bax,
Şimşək kimi göylərdə çax.
Əlvan rənglər dola qəlbə,
Qaranı tək gecəyə tax.

Çək rəngini talelərin,
Bəxtin o qara yerlərin,
Sən ağ eylə,tək bir dəfə,
Ürəkləri sən et sərin.

Fırçanı al rənglə boya,
Talelər çək doya-doya.
Elə bəzə,naxışlara,
Qara vurma,qəlbi oya!

09.06.2018

Müəllif: Həqiqət Həqiqi

HÜRRİYYƏT – ZAUR USTAC

hurriyyet

 

HÜRRİYYƏT

==poemadan bir parça==

Min şükür hürriyyət ocağımız var,
Kölgəlik bir fidan ağacımız var…
Ey uca Yaradan Sən qoru bizi,
Daim, qaim eylə hürr elimizi.
Binə çadırları daş otaq eylə,
Özün bu ulusu min budaq eylə…
Nə qədər xalqlar var yox bir mətəsi,
Çoxunun dili yox kəlmə ötəsi…
Bizim söykənəcək dayağımız var,
Hələ yol alacaq oylağımız var…

Müəllif: Zaur Ustac
© Zaur USTAC,2018. Bakı.
WWW.YAZARLAR.AZ və WWW.USTAC.AZ

MÜNACAT – ZAUR USTAC

 

yaz

 

MÜNACAT

== poemadan bir parça==

Şükürdən güc alıb sözüm, söhbətim,
Səndən gizli deyil, şəksiz niyyətim.
Qəlblərdə olanı görüb, bilənsən,
Kimə nə lazımdı onu verənsən.
Yazar, ancaq yazar demişəm hər dəm,
Əgər söz sahibi eyləsə hərdəm.
Qələmə and içən uca Yaradan,
Münacata çıxıb bu qələmtutan…
Əllərim göydədir, dilim duada,
Dua eyləyirəm qohuma, yada…
Şamaxı torpağı qədimdən qədim,
Xaqnisi mənim, Nəsimi mənim…
Başqa bir dühanı gəzirəm burda,
Tarixin kələfin çözürəm burda…
Üstündə durduğum bu köhnə körpü,
Yüz illər əvvələ atacaq törpü…

Yazda da gəlmişəm, qışda da bura,
İçimdə bir ocaq möhtacdır qora.
Hər şey çin-çin durub ruhun rəfində,
Kəlmələr sıraya durub dilimdə…
Bir türlü “Bismillah” edə bilmirəm,
Yeddi yüz əqdəmə gedə bilmirəm…
Ruhuma qanad ver Adil Allahım,
Bir kərə o günə gedim qayıdım…
Bu köhnə körpünün daşı danışsın,
Otların qurusu, yaşı danışsın.
Düz yeddi əsrdir şahidlik edən,
Bu körpü bir namə versin himindən…
Ey bütün gizlindən agah Allahım,
Dağları, daşları yandırıb ahım.
Xeyirə yozulu nişan ver mənə,
Şübhəsiz bəllidir hamısı Sənə…
Nə, harda, kimindir tək bilən Sənsən…
Kimə nə lazımdır onu verənsən…

Müəllif: Zaur Ustac
© Zaur USTAC,2018. Bakı.
WWW.YAZARLAR.AZ və WWW.USTAC.AZ