Y U R D U M – MAYIL DOSTU

ev

 

Y U R D U M

Bir udum havana tamarzı qaldım,
Düşmənin əlində ağlayan yurdum.
Qoxunu gəldiyin yuxumda aldım,
Könlümdə dərd, qübar bağlayan yurdum.
***
Nankorun,namərdin yağlı yemisən,
Ömrümün qırılan sarı simisən,
Oğlunu itirmiş ana kimisən,
Naləsi qəlbimi dağlayan yurdum.
***
Xəyalın bir an da tərk etmir məni,
Qəlbi daş olanlar dərk etmir məni,
Köçkünlük, yurdsuzluq bərk etmir məni,
Göz yaşı mənim tək çağlayan yurdum.
***
Qismət ola bir də gələk üz – üzə,
Kaş, Mayıl səninlə dura diz – dizə,
Kəlmə kəsib danışaydıq göz – gözə,
Həsrəti qəlbimdə tağlayan yurdum.

16. 06. 2018

Müəllif:Mayil Dostu

Advertisements

“ZİYADAR” HAQQINDA YAZIRLAR

 

 

DIPLOM

 

“Zaur Ustac İntiqam Yaşara “Evdə yoxam” adlı kitabının işıq üzü görməsi münasibətilə “Ziyadar” adlı diplomu təqdim etmişdir.”

 

İLKİN MƏNBƏ:

http://www.mct.gov.az/az/region-xeberleri/genc-sair-ntiqam-yasarin-yeni-isiq-uzu-gormus-evde-yoxam-adli-seirler-kitabinin-teqdimat-merasimi-kecirilib

 

YAZARLAR.AZ

ZAUR USTAC – DÜŞÜB

 

13754220_573656716127240_6950948114086678956_n

DÜŞÜB
Sayı itib ayın, günün, saatın,
Ürəyimə atəş düşüb, od düşüb…
Haçan gəlim ağ əlini  öpməyə?
Ürəyimə nabat düşüb, qənd düşüb…
* * *
Əl öpənin çox olmasın, tək olum,
Məcnun kimdi, Kərəm kimdi yek olum,
Qoy həmişə nübar olum, ilk olum,
Ürəyimə gilas düşüb, tut düşüb…
* * *
Ustacın qibləsi çöhri-qəməri,
O da istər desin zikri-qəməri,
Niqabın gizlədib fitri-qəməri,
Bir zeh göstər, ürəyimə mət düşüb…

Müəllif: Zaur Ustac زائـــور اوستاج
© Zaur USTAC,2018. Bakı.
WWW.YAZARLAR.AZ və WWW.USTAC.AZ

ADİL CƏFAKEŞ “ZİYADAR” MÜKAFATINA LAYİB GÖRÜLÜB

TANINMIŞ  SÖZ ADAMI, USTAD  ADİL  CƏFAKEŞ  “AĞAM  ALIDI” ADLI  YENİ  KİTABINA GÖRƏ  “YAZARLAR” -IN  YAZARI   “ZİYADAR”  MÜKAFATINA  LAYİQ  GÖRÜLÜB.

adil5

XƏBƏR  VERDİYİMİZ KİMİ ADİL CƏFAKEŞİN PROFESSOR  MƏHƏRRƏM QASIMLININ REDAKTORU OLDUĞU “AĞAM ALIDI” ADLI YENİ TƏCNİSLƏR  KİTABI İŞIQ ÜZÜ GÖRMÜŞDÜR.  BU MÜNASİBƏTLƏ   MÜƏLLİF  YENİ NƏŞRLƏRƏ GÖRƏ VERİLƏN   “YAZARLAR” -IN YAZARI   “ZİYADAR” MÜKAFATINA LAYİQ GÖRÜLÜB.  YAZARLAR.AZ  OLARAQ BİR DAHA ADİL MÜƏLLİMİ TƏBRİK EDİR, YENİ-YENİ YARADICILIQ UĞURLARI ARZU EDİRİK. UĞURLARINIZ BOL OLSUN, ADİL MÜƏLLİM, VAR OLUN!!!

YAZARLAR.AZ

SALAM, QARDAŞIM – ADİL CƏFAKEŞ.

 

adil6

 

SALAM, QARDAŞIM

Gəl görüşüb dərdləşək,
Salam, qardaşım salam.
Ehtiyacdan susmuşam, 
Lalam, qardaşım, lalam.

Dərdimə bax, o tərdi,
Əgər əksəm bitərdi.
Özümdən də betərdi,
Balam, qardaşım, balam.

Qaxma, başıma qaxma,
Qəsrim, evim bu daxma.
Çıx get, dadıma baxma,
Kalam, qardaşım, kalam.

İkidən birə çəkir,
Cızığa, zirə çəkir.
Qəm məndən şirə çəkir,
Balam, qardaşım, balam.

Yurdu, yuvası itən,
Ürəyini ah didən.
Mən sınıb əyri bitən,
Qolam, qardaşım, qolam.

 

Müəllif: Adil Cefakes

ADİL CƏFAKEŞİN “AĞAM ALIDI” ADLI YENİ KİTABI İŞIQ ÜZÜ GÖRÜB

adil6

ADİL CƏFAKEŞİN “AĞAM ALIDI” ADLI YENİ KİTABI İŞIQ ÜZÜ GÖRÜB:

“NƏRGİZ” NƏŞRİYYATINDA ÇAP OLUNAN KİTABIN REDAKTORU AZƏRBAYCAN AŞIQLAR BİRLİYİNİN SƏDRİ, ƏMƏKDAR ELM XADİMİ, PROFESSOR MƏHƏRRƏM QASIMLIDIR. BU BAYRAM GÜNÜNDƏ ADİLİ MÜƏLLİMİ TƏBRİK EDİR VƏ UĞURLARININ BOL OLMASINI ARZU EDİRİK. XEYİRLİ, UĞURLU OLSUN!!!

QEYD:

KİTABI ƏLDƏ ETMƏK İSTƏYƏNLƏR METRONUN  “ELMLƏR AKADEMİYASI”  STANSİYASININ ÇIXIŞINDAKI “REBUS” KİTAB MAĞAZASINA MÜRACİƏT EDƏ BİLƏR.

YAZARLAR.AZ

GƏRƏK – ZAUR USTAC.

gerek

GƏRƏK
Gədadan bəy olmaz, geysə zər-xara,
Nəcabət adamın kökündə gərək.
Soysuzda ar olmaz, qanmazda həya,
Əzəmət insanın görkündə gərək.
* * *
Arif olan ağzı yelə dolanmaz,
Çeşmə suyu ha lillənə bulanmaz,
“Suzuz quyu su tökməklə sulanmaz”,
Kəramət quyunun təkində gərək.
* * *
Ustac önəm verər söhbətdə süsə,
Düşməsin bir kimsə qəflətdə sisə,
Heç zaman söyməyin əvcəddə nəsə,
Məharət hesabın təkində gərək…

Müəllif: Zaur Ustac زائـــور اوستاج
© Zaur USTAC,2018. Bakı.
WWW.YAZARLAR.AZ və WWW.USTAC.AZ

AZƏRBAYCAN – TUNC AY.

ev

AZƏRBAYCAN

Müəllif: Tuncay MUSTAFAYEV

BİZ MÜSTƏQİL DÖVLƏTİK

BİZİM  BAYRAĞIMIZ   VAR

BABALARDAN  ƏMANƏT

QALAN  TORPAĞIMIZ  VAR.

BORCLUYUQ QORUMAĞA,

QULUĞUNDA  DURMAĞA,

ƏKMƏYƏ, SUVARMAĞA,

DƏDƏ  TÖVSİYƏMİZ VAR.

TUNCAYAM, ELİM AĞDAM,

İNANA BİLMİR ADAM,

VƏTƏN EDİLİB EDAM,

DÖRD YANDA TİKƏMİZ VAR…

14.04.2018. (İLK ŞEİR) BAKI Ş.

Mənbə: Tuncay Sensey