İLDIRIM ƏKBƏROĞLU ZAUR USTACIN “GƏL” ŞEİRİ HAQQINDA

28577750_212270522847643_3044543277715058320_n

İLDIRIM ƏKBƏROĞLU ZAUR USTACIN “GƏL” ŞEİRİ HAQQINDA:

Həmişəki kimi, öz gözəl, heyranedici, qəlbləri duyğulandıran şerinizlə oxucu qəlbini fəth etmisiniz, Zaur, əzizim! Bu şerinizin könülləri oxşamasının bir səbəbi , məhəbbətin tərənnümündə arxaik sözlərimizizdən istifadə etməyinizdir. Taxça, boxça, axça… və bu kimi sözlər oxucu qəlbində, zəngin olan dilimizin zəngin ifadələri ilə məhəbbəti, sevgini daha da ülviləşdirir, daha da müqəddəsləşdirir. Məhəbbət haqqında o qədər eyni ifadələrlə, eyni işlədilmiş sözlərlə şerlər oxuyuruq ki, nə sevgini sevgi kimi görə bilirik,görsək də, qəlbimizi onun misraları duyğulandıra bilmir. Siz isə, geniş yaradıcılıq sferasında, hər gələn şerinizdə bir yeni fikirlə, bir yeni qəlbi duyğulandıran mənalarla gəlirsiniz ki, bu da sizi oxucuya sevdirir. Zaur, əzizim, sizi bu gözəl məhəbbət şerinizə görə ürəkdən təbrik edirəm və həmişə olduğu kimi, yenə də sizin yeni-yeni, qəlbləri duyğulandıran şerilərinizi gözləyirəm. Azərbaycan poeziyası öz gözəl şeriləri ilə zəngindir və bu gözəl şerləri, gözəl təbi , gözəl istedadı olan şairlərimiz var ki, onların biri də sizsiniz. Azərbaycan şairləri içərisində , artıq, tanınmış, oxucu məhəbbəti qazanmış bir şairsiniz. Var olun, sağ olun!

İLKİN MƏNBƏ:

 

YAZARLAR.AZ

Advertisements

NƏ VAR Kİ… – İLDIRIM ƏKBƏROĞLU.

 

15027787_943084145824725_6516646943584642547_n

NƏ  VAR  Kİ…
Dərd olar çəkilən tənha sevinc də,
Ürəkdə dərdləri bölsəm nə var ki…
Min tülkü əlində girinc olunca,
Bir şirə yem olub ölsəm nə var ki…

Gözlər yol çəkibdir, ürəklər dərdi,
Arxadan vurulmuş görmüşəm mərdi.
Bilinər düşmənin mərdi, namərdi,
Dostun ürəyini bilsəm nə var ki…

İl keçər yaxşı-pis, ömür yarıdı,
Qəlbim çaylarımın nəm daşlarıdı.
Saçları ağardan göz yaşlarıdı
Gözlərdən göz yaşı silsəm nə var ki…

Əsrlər qövr edər hələ yaramda,
Çay var göz yaşımdır, axar aramda.
Dərdə bax, ağlaram, ağlamaram da,
Bir ürək dolusu gülsəm nə var ki…

İldırım Məmmədəm, eşit, ay vətən,
Tükənməz eşqindir qəlbimdən ötən.
Olmadım bu ömrü çiçəkcən də mən,
Bir də bu dünyaya gəlsəm nə var ki…

Müəllif: Ildırım Akberoğlu

 

MƏNİ – ADİL CƏFAKEŞ

13754220_573656716127240_6950948114086678956_n

 

MƏNİ

Araya soyuqluq düşür deyəsən,
Ayrılıq buz kimi soyudur məni.
Yerlərə baxıram, səbrim tükənir,
Göylərə baxıram, göy udur məni.

Qəm salıb alnıma lək, ağlayıram,
Eyləmə heç şübhə, şəkk ağlayıram.
Çəkilib bir küncə tək ağlayıram,
Sonra da tənhalıq ovudur məni.

Adiləm, Cəfakeş qoşdun adıma,
Tək qalmışam, yetən yoxdur dadıma.
Sənli xatirələr düşür yadıma,
Həsrətin keyidib, uyudur məni.

Müəllif: Adil Cefakes

ARZU GÖYTÜRKÜN “GÜNAH PƏRİSİ” ADLI İLK KİTABI İŞIQ ÜZÜ GÖRDÜ

40995564_444596086048967_8253042339463823360_n.jpg

Bu günlərdə dəyərli yazar, çox hörmətli pedaqoq  Arzu Göytürk ün “Günah pərisi” adlı  ilk kitabı işıq üzü görüb. YAZARLAR.AZ  bu  hadisəyə biganə qalmamış və ənənəyə uyğun olaraq Arzu Göytürk ü yeni kitabların nəşri münasibəti ilə təqdim olunan “YAZARLAR”-IN YAZARI “ZİYADAR” MÜKAFATINA layıq görmüşdür.

arzu

YAZARLAR.AZ olaraq, Arzu  xanımı həm ilk kitabı, həm də “ZİYADAR” MÜKAFATINA layiq görülməsi münasibəti ilə təbrik edir, yeni-yeni yaradıcılıq uğurları arzu edirik. Uğurlarınız bol olsun. Yazın, yaradın…

YAZARLAR.AZ

Müddətli müqavilə əsasında işə qəbul prosesinin I turu ilə bağlı məlumatlandırma :

qqqqqqqqqqqq
Müddətli müqavilə əsasında işə qəbul prosesinin I turu ilə bağlı məlumatlandırma:

Müddətli müqavilə ilə müəllimlərin işə qəbulu necə həyata keçiriləcək?

2018-2019-cu tədris ili üçün Təhsil Nazirliyi sisteminə daxil olan ümumi təhsil müəssisələrinə müddətli müqavilə ilə müəllimlərin işə qəbulu İnsan Resursları Mərkəzi tərəfindən proqram təminatı tətbiq olunmaqla mərkəzləşdirilmiş qaydada həyata keçiriləcək.

Müddətli müqavilə ilə müəllimlərin işə qəbulunda iştirak etmək üçün namizədlər nə etməlidirlər?

Cari ilin 8-9 sentyabr tarixlərində müddətli müqavilə ilə müəllimlərin işə qəbuluna elektron sənəd qəbulu keçiriləcək. Builki müəllimlərin işə qəbulu üzrə müsabiqədə iştirak etmiş namizədlər cari elektron ərizələrində, ötənilki müəllimlərin işə qəbulu müsabiqəsində iştirak etmiş namizədlər isə miq.edu.az saytı vasitəsilə yenidən qeydiyyatdan keçərək vakant yer seçdikdən sonra elektron ərizələrini təsdiq etməlidirlər.

Müddətli müqavilə ilə müəllimlərin işə qəbulunda kimlər iştirak edə bilər?

Müddətli müqavilə ilə müəlllimlərin işə qəbulu prosesində bu il və ötən il keçirilmiş müəllimlərin işə qəbulu üzrə müsabiqəsinə qatılmış namizədlər müvafiq imtahan balı ilə iştirak edə bilərlər. Müəllimlərin işə qəbulu üzrə builki müsabiqədə iştirak edərək elektron ərizəsində vakansiya seçimi etməyən, vakansiya seçib ərizəsini təsdiqləməyən, vakansiya seçimi zamanı uğur qazanmayan, vakant yer tutub müsahibəyə gəlməyən, müsahibədə uğur qazanmayan, müsahibədə uğur qazanıb 28 avqust (I tur) və 4 sentyabr (II tur) tarixinədək tutduğu vakant yerdən imtina etdiyi barədə ərizə ilə İnsan Resursları Mərkəzinə müraciət edən şəxslər iştirak edə bilərlər.

Müddətli müqavilə ilə müəllimlərin işə qəbulu prosesinə hansı vakant yerlər veriləcək?

Müəllimlərin işə qəbulu üzrə builki müsabiqədə vakant yer kimi verilmiş, lakin boş qalmış yerlər, yeni yaranan vakant yerlər, sosial məzuniyyətlə əlaqədar yaranmış vakant yerlərə müddətli müqavilə ilə müəllimlər işə qəbul ediləcək. Bakı şəhəri üzrə ümumi təhsil müəssisələrində ibtidai sinif vakansiyalarına müddətli müqavilə ilə müəllimlərin işə qəbulu isə Bakı Şəhəri üzrə Təhsil İdarəsi tərəfindən həyata keçiriləcək.

Müddətli müqavilə ilə müəllimlərin işə qəbulu zamanı namizədlər neçə vakant yer seçə bilərlər?

Müddətli müqavilə ilə müəllimlərin işə qəbulu zamanı namizədlər iki vakant yer seçə biləcəklər.

Müddətli müqavilə ilə müəllimlərin işə qəbulu zamanı keçid bal nə qədərdir?

Müddətli müqavilə ilə işə qəbul zamanı həvəsləndirmə tədbirləri tətbiq olunan ümumi təhsil müəssisələrinə keçid balı 30, həvəsləndirmə tədbirləri tətbiq olunmayan ümumi təhsil müəssisələrinə isə musiqi, təsviri incəsənət və fiziki tərbiyə fənləri üzrə 42, digər fənlər üzrə 48 bal müəyyən edilmişdir.

Müddətli müqavilə ilə işləyən müəllimlərin daimiləşməsi həyata keçiriləcək?

Hər il müddətli müqavilə ilə işləyən müəllimlərin daimiləşməsi məqsədilə müddətli müqavilə ilə işləyən müəlllimlərin müddətsiz müqavilə ilə işə götürülməsi müsahibələri keçirilir. Müddətli müqavilə ilə işləyən müəllimlər sözügedən müsahibələrdə uğur qazanaraq daimiləşə bilərlər.
İLKİN MƏNBƏ:

Xanım İsmayılqızı : Sən içimə dolmusan nəhəng bir ölkə kimi…

az

Sən içimə dolmusan nəhəng bir ölkə kimi,
Dolaşıram orada adamsız kölgə kimi.

Bu ölkənin hakimi, məhkumu da qəlbimiz,
Gör nə boydayıq, Allah, nə böyükmüş sevgimiz.

Qərar vermirik orda, qərarlar da almırıq,
Nə yollara düşmürük, nə də yuva salmırıq.

Birlikdə unuduruq günahı və savabı,
Bu gündə axtarmırıq suallara cavabı.

Aləm dağılsa belə, heç nə toxunmur bizə,
Mən sənə sığınıram, sən isə ikimizə.

Müəllif: Xanim Ismayilqizi

· 

Gəzdirib, göz-gözə gətirən gözəl… -Zaur Ustac.

ac

 

Gəzdirib, göz-gözə gətirən gözəl…

(Bu gün – 03.09.2018.- 20:00)

 

Bu gün  gördüm onu, otuz il sonra,

Gəzdirib, göz-gözə gətirən gözəl…

Neçə milyon gözün, qaşın içində,

Sezdirib, üz-üzə götürən gözəl…

*        *        *

Qəfil qarşılaşdı baxışlarımız,

Qəbulmu görmüşdü alqışlarımız,

Damla-damla yağdı yağışlarımız,

Süzdürüb, iz-izə itirən gözəl…

*        *        *

Bir xeyli mən baxdım, o sa baxmadı,

Nə Billah eylədim kirpik qalxmadı:

-Allahım, pünhan ox, həmin oxmudu???

Azdırıb, biz-bizə bitirən gözəl…

*        *        *

Qəfil bir baxış da oldu ərmağan,

Gördüm, gözü dolmuş, bağrım oldu qan,

Köksümdə ürəyim qopardı fəğan,

Sızdırıb, döz-dözə ötürən gözəl…

*        *        *

Baxış o baxışdı, qaçış o qaçış,

İllər gözlərindən heç nə almamış,

Giryan görünürdü, bir az təntimiş,

Sazlayıb, naz-naza yetirən gözəl…

*        *        *

Ustac mükafatın alıb həmişə,

Bir daha mat qaldım, bu gün gərdişə:

-Deməli, yol verməz boşa səyrişə,

Gəzdirib, göz-gözə gətirən gözəl…

04.09.2018. (08:00 – 19’) Bakı.

 

 

Müəllif:  Zaur Ustac

© Zaur USTAC,2018. Bakı.
WWW.YAZARLAR.AZ və WWW.USTAC.AZ
#zaurustac #zaur #ustac #yazarlar #sevin_ki_seviləsiz

 

ƏBÜLFƏZ ÜLVİ : – BİR ŞEİR DÜŞÜR…

13754220_573656716127240_6950948114086678956_n

(Bir nəfərin məhəbbət haqqında yazısı
çox xoşuma gəldi.)

 

Həvəslə oxudum yazdıqlarını,
Bu gözəl yazıya bir şeir düşür.
Verdi bu gözəllik öz ilk barını,
Bu gözəl yazıya bir şeir düşür.

Belə yazılsaydı alın yazısı,
Nə gözəl olardı halın yazısı…
Bu deyil adi bir falın yazısı,
Bu gözəl yazıya bir şeir düşür.

Ürək sözlərimdi, deyildir yozu,
Sanki eşq suyuydu yatıran tozu,
Rəbb də bu yazıya eyləməz pozu,
Bu gözəl yazıya bir şeir düşür.

Bir sözün deyildi kəm, xəzinədən,
Vallah xoşlanmıram mən xəzinədən,
Bir şeir böyükdür min xəzinədən,
Bu gözəl yazıya bir şeir düşür.

Doldu ürəyimə sehri gör necə,
Məni qoymayıbdı yatam bu gecə,
Yazını yazana bilmirəm neçə,
Bu gözəl yazıya bir şeir düşür.

Ay Ülvi, dinc dayan, küyə salma çox,
İçində nahaqdan bircə damla yox,
Nağılın sonunda düşən alma yox,
Bu gözəl yazıya bir şeir düşür.
03.08.2018.

Müəllif: Ebulfez Eliev

ZAUR USTAC : ÇAĞDAŞ QARDAŞIM…

 

11992670_541549615996054_127419619_n — копия

ÇAĞDAŞ QARDAŞIM…

(Əsəd Cahangirə)

Müsahib hər zaman olmur mütalib,

Habili qardaşı öldüdü, qardaş…

Mümkünmü,  çağınla olasan çağdaş,

Həzrəti İsanı kim satdı, qardaş???

*        *        *

Qərbdə yandırıblar, Şərqdə asıblar,

Cənubda, Şimalda  dilin kəsiblər,

Yeni söz deyənlər, həp qan qusublar,

Pərvanə yananda xoşbəxtdi, qardaş…

*        *        *

Vüsalı şam olan  pərvanələrin,

Zamanı səhv düşən dürdanələrin,

Ağıldan tac geyən divanələrin,

Zamanı, məkanı bəllidi, qardaş…

*        *        *

Yusifi quyuya saldı  qardaşlar,

Rəsuli – Əkrəmə (s.o.) atıldı  daşlar,

Biləsən, nə qarın, nə zaman, nə də nə “daşlar”,

Heç zaman yandaşı sevmədi, qardaş…

*        *        *

Nəimi namını söküb aldılar,

Nəsimi Haqqını soyub aldılar,

Dahilər hər zaman tənha qaldılar,

Söylə, bunun hansı yalandı, qardaş???

*        *        *

Fərqli düşündülər, geydilər onlar,

Ancaq yaşamaqçün yedilər onlar,

“Zəmanə adamı” olmadı onlar,

Çoxunun taleyi eynidi, qardaş…

*        *        *

Müasir dediyin, sirdi, kələfdi,

Fərqli düşünənin sonu tələfdi,

Ustacın diləyi, Tanrıdan əfvdi:

– Özü bağışlasın çağdaşı, qardaş…

02.09.2018.(09:39-39’) Bakı.

 

 

Müəllif : Zaur Ustac

© Zaur USTAC,2018. Bakı.
WWW.YAZARLAR.AZ və WWW.USTAC.AZ
#zaurustac #zaur #ustac #yazarlar #sevin_ki_seviləsiz

 

 

 

 

Rahim Ucoglanli – AĞDAMNAMƏ

10338724_1503294469955187_8656631993359454308_n

Rahim Ucoglanli

AĞDAMNAMƏ
(Ağdamın işğalının 4-illiyinə ürək ağrısı ilə Ağdamlılar və Ağdamsevərlər üçün)

Deyim dərlərindən xəbərin olsun,
Qalmayıb əvvəlki çağların Ağdam!
Düşmən ağlar qalsın gözü kor olsun,
Çəkibdir dağ üstən dağların Ağdam.
**
Məscidin göylərə qalxıb naləsi,
Qəmdən əyilibdir cüt minarəsi,
Boş qalıb minbəri yox azan səsi,
Quran ayələri oxunmur Ağdam!
**
Batıb muğamatın səsi xəstədir,
Çahargah süst qalıb,Şur qəfəsdədir,
Zabulla,Mirzəhüseyn son nəfəsdədir,
Kamança inləmir,tar susub Ağdam!
**
Gülablıda Damcı Bulaq qan damır,
Daşların üstünü basıb çil,mamır.
Səxavət məzarda rahatlıq tapmır,
Ruhu vətən mülkün dolanır Ağdam!
**
Ərşə qalxıb Beşbulağın harayı,
İçən yoxdur suyu axır havayı.
Pozulubdur Nənə-qızlar halayı,
Yallıya daha rəqs edilmir Ağdam!
**
Daha Qozlu Bağ,qoz da gətirmir,
Şelli bağlarında meyvə bitirmir.
Kötəl incik düşüb elsiz dözəmmir,
Qurudub suyunu axmayır Ağdam!
**
Lazım Ağa Çəmənliyə gəlibdir,
Şıxbabalı pir seyidsiz qalıbdır.
Yusfcanlı çiçək kimi solubdur,
Bağbanlar xəyala dalıbdır Ağdam!
**
Novruzlunun tor gəlibdir gözünə,
Yalqız qalıb baxan yoxdur üzünə,
Mərzili köç edib Ergi düzünə,
Talanıb sərvəti qalmayıb Ağdam!
**
Xeyli vaxtdır gələn yoxdur Qullara,
Qəm səpilib,dərd əkilib yollara,
Sarcalı yurd olub tikan,kollara,
Ağdamkənd bələnib qanlara Ağdam!
**
Yoxdur Seyidlinin üzüm bağları,
Xıdırlının quruyubdur tağları.
Dəvəbatranın pendir,qaymaq,yagları,
Daha bazarında satılmır Ağdam!
**
Qıyaslının yoxdur əzəl çağları,
Çox şəhid olubdur mərd oğulları.
Sarhacılının qəlbini düşmən oxları,
Deşib parçalayıb,qan gedir Ağdam!
**
Əhmədavar düşmənlərlə yan-yana,
Əsir düşüb qəsd eləyibdir cana.
Qaracıda ruhlar qalxıb üsyana,
Qohum,qardaş deyib gəzirlər Ağdam!
**
Ətyeməzli dözə bilmir dərdlərə,
Həsrət qalıb ətrafdakı kəndlərə,
Öz yolunu bağlayıb Uzun dərə,
Qoynundan bir kəs də keçməyir Ağdam!
**
Göytəpənin bitməz olub otları,
Konzavodun köçüb gedib atları.
Güllücənin mələs şirin narları,
Dərdlərə dərman tək dadılmır Ağdam!
**
Qərvənddə torpaqlar yanıb.əkilmir,
Sarı buğda xırmanlara tökülmür.
Nəmirlinin köçən elləri dönmür,
Ot alaq basıbdır yolların Ağdam!
**
Şah Bulaq ağ başa qara bağlayır,
Koroğlu Qalası qəmdən ağlayır,
Maqsudlu,Kəngərli matəm saxlayır,
Sönüb ocaqları,yanmayır Ağdam!
**
Papravəndin ağ daşları qaralıb,
Qartal yuvasını gəlib sar alıb.!
Qaraman dağı da dərddən saralıb,
Solub çiçəkləri,gülləri Ağdam!
**
Kolanıya gələn yoxdur şəhərdən,
Bağ bostanı solub düşüb bəhərdən.
Əliağalının gözləri dolub qəhərdən,
Kimsə yox göz yaşın silməyə Ağdam!
**
Əlimədədli,Çinli kəndi yanıbdır,
Boyəhmədli dərd içində qalıbdır.
Qabartı çay göz yaşıyla dolubdur,
Qəm axır suyuyla düzlərə Ağdam!
**
Tərnefiyin qalmayıbdır təzəsi,
Kül olubdur hər bir meyi,məzəsi.
Kim görsə qol atıb olar üzəsi,
Xaçının “dərd” adlı gölündə Ağdam!
**
Mindim xəyal atım keçdim sədləri,
Qarqardan-Xaçına gəzdim kəndləri.
Kaman tək inlədi könlüm telləri,
Baxdıqca kimsəsiz yurdlara Ağdam!
**
Səbrim Üçoğlanda tutmayır qərar,
Qəlbim həsrətindən eyləyir qübar,
De nə vaxt dadacam sevincdən nübar?
Çoxdandır ürəkdən gülmürəm Ağdam!
**
Rahiməm,dərdlərin dilə gətirdim,
Yazdım bu şerimlə Sənə yetirdim.
Suvardım göz yaşlarımla bitirdim,
Məni sarmaşıq tək aldılar Ağdam!
Kök atıb qəlbimdə qaldılar Ağdam!
Rahim Üçoğlanlı.(Rzayev)
23.07.1997.