Ötən günlərdə olduqca qısa zaman kəsiyində və gərgin əmək nəticəsində oxuculara təqdim olunmuş bir kitabdan söhbət açmaq istəyirəm.
İdeya rəhbəri: Sabir ZAMANLI, redaktoru: Balayar SADİQ olan və Mehman Göytəpəlinin, Eldar Səfa Şahvələdlinin, Hikmət Məlikzadənin çalışmaları sayəsində ərsəyə gələn “RUHUMUZUN TURAN ƏTRİ” adlı bu kitabı azərbaycançılığa, türkçülüyə, vətənsevərliyə ən gözəl hədiyyə adlandırmaq olar. Heç təsadüfi deyil ki, ilk səhifədəcə yer alan böyük şairimiz Əhməd Cavadın “ÇIRPINIRDI QARA DƏNİZ” şeirinin ardınca sıralanan vətənpərvərlik ruhunda olan bir-birindən gözəl şeirlər həqiqətən də sözün əsl mənasında TURAN ruhundan xəbər verir….
Azərbaycançılığın, tükçülüyün belə gözəl bir sonucla Şərqin ilk demokratik respublikası olan Azərbaycan Xalq Cümhuriyyətinin qurulması ilə başa çatdığı bir günü bayram kimi qeyd etdiyimiz günlərdə belə gözəl bir kitabı ərsəyə gətirib, təqdim etdiklərinə görə başda İdeya rəhbəri Sabir ZAMANLI və redaktor Balayar SADİQ olmaqla bütün yaradıcı heyyətə öz dərin təşəkkürümüzü bildirir və yeni-yeni yaradıcılıq uğurları arzu edirik. BAYRAMINIZ MÜBARƏK !!!
Bayramımız mübarək…. Məncə, bir ulusun tarixində, bundan əlamətdar, şanlı gün ola bilməz…. Mənim bu balaca dostumun adı Əkbərdir. Məhəmməd HADİ adına Şamaxı şəhər 9 saylı tam orta məktəbinin birinci “b” sinif şagirdidir. Özü kiçik də olsa, ürəyi adı kimi böyükdür…. Görün bir, Bayrağımızı necə sıxıb sinəsinə……
Məhəmməd HADİ adına Şamaxı şəhər 9 saylı tam orta məktəbinin birinci “b” sinif şagirdləri Zaur Ustacın şeirlərindən ibarət “MƏZƏLİ HƏRFLƏR” müsabiqəsində iştirak ediblər. Şair birinciləri sevindirib.
Müsabiqənin qalibləri: Mehtiyev Yusif, Eyvazova Leyla və Çobanzadə Gülnar.
Fəal iştirakçılar: Hidayətli Ümid, Dəmirov Gülalı, Şıxəliyeva Arzum.
Həvəsləndirici mükafat alanlar: Binyətov Yusif və Hacıyeva Nuray.
Müsabiqə iştirakçıları: Məhəmməd HADİ adına Şamaxı şəhər 9 saylı tam orta məktəbinin birinci “b” sinif şagirdləri
Müsabiqənin qalibi: Məhəmməd HADİ adına Şamaxı şəhər 9 saylı tam orta məktəbinin birinci “b” sinif şagirdi, Leyla EYVAZOVA. Leyla “L” hərfinin şerini iştirakçılar arasında ən yaxşı söyləyərək. Birincilik qazanmış və qalib üçün nəzərdə tutulmuş mükafatdan əlavə müəllifin imzalı “GÜLÜNÜN ŞEİRLƏRİ” kitabını da hədiyyə olaraq əldə etmişdir. Bu gün balacaların sevincinin həddi-hüdudu yox idi. “YAZARLAR” olaraq, bütün bu işlərin təşkilində, gedişində göstərdiyi ən yüksək səviyyədə köməyə və qayğıya görə Məhəmməd HADİ adına Şamaxı şəhər 9 saylı tam orta məktəbinin direktoru Xasay müəllimə, tədris işləri üzrə direktor müavini Əbülfəz müəllimə, sinif müəllimləri; Sevda müəlliməyə, Gülzar müəlliməyə təşəkkür edir, minnətdarlığımızı bildiririk.
Məhəmməd HADİ adına Şamaxı şəhər 9 saylı tam orta məktəbinin birinci “b” sinif şagirdi, Leyla EYVAZOVA “L” hərfinin şeiri, “MƏZƏLİ HƏRFLƏR” müsabiqəsində, müəllif: Zaur USTAC “GÜLÜNÜN ŞEİRLƏRİ” kitabından.
TUNCAYA
Tanrı tutub, ağ torpaqdan mayanı,
Gündoğandan Günbatana sənindi!
Nişan verib, yeddi günlük Ayını
Əksi düşən tüm torpaqlar sənindi
* * *
Xəzəri ortaya düz qoyub nişan,
Boynuna dolanan Hilal sənindi!
Ən uca zirvələr, ən dərin göllər
Ormanlar, dəryalar, düzlər sənindi!
* * *
Tanrının payıdı, lütf edib sənə,
Tanrıya sarsılmaz inam sənindi!
Ataya, Anaya, qocaya hörmət
Sirdaşa sədaqət, güvən sənindi!
* * *
Zamanla hökm etdin tüm yer üzünə
Hakimiyyət sənin, höküm sənindi!
Aman istəyəni kəsmədin heç vaxt,
Ən böyük ədalət, güzəşt sənindi!
* * *
Unutma ki, lap binədən belədi,
Mərhəmətli, yuxa ürək sənindi!
Xilas etdi, bağışladı ənamlar,
Yamana yaxşılıq, ancaq sənindi!
* * *
Döyüşdə, düşməni alnından vuran,
Süngüsü əlində ərlər sənindi!
Savaşda, uçağı kəməndlə tutan,
Qüvvəsi qolunda nərlər sənindi!
* * *
Dəli-dolu Türk oğullar cahana
Bəxş etdiyi şərəfli ad sənindi!
Adı gəlsə, yeri-göyü titrədən
Qorxu bilməz, şanlı əsgər sənindi!
* * *
Çöldə simgə etdin Qurdu sancağa,
Kəhər Atın ən yaxşısı sənindi!
Ay-yıldızı nişan tikdin Bayrağa,
Zəkalar, dühalar tümü sənindi!
* * *
Tutduğun yol tək Tanrının yoludu,
Aydın zəka, tər düşüncə sənindi!
Çoxu deyir, tay dünyanın sonudu,
Fəqət bilməz, yeni dünya sənindi!!!
10.10.2011. Bakı.
“DÖRD SUAL” -ın May qonağı hamımızın sevimlisi Vəfa xanım Mürsəlqızı oldu:
– Salam, Vəfa xanım!
– Salam!
-“YAZARLAR” jurnalı olaraq, YAZARLAR.AZ –da yayımlanmaq şərti ilə oxucu zövqünü formalaşdırmaq, oxucuların mütaliəsini istiqamətləndirmək, əsasən də yeniyetmələrdə, gənclərdə, mütailə vərdişlərinin formalaşmasına məqsədyönlü şəkildə təsir göstərmək üçün aşağıdakı DÖRD sualı cavablandırmanızı xahiş edirik:
– Buyurun!
-İlk oxuduğunuz kitab hansıdır?
-.İlk oxuduğum kitab Sülüyman Sani Axundovun “Qorxulu nağıllar” kitabı olub.
– İlk oxuduğunuz iri həcmli kitab hansıdır?
– İlk oxuduğum iri həcmli kitab Əlfi Qasımov “İnsan qaranquş deyil”
– İlk oxuduğunuz çoxcildli kitab hansıdır?
– İlk oxuduğum təxmini belə kitab, Vikror Hüqo “Səfillər”
– Biz heç nə demirik, olsun… Bəs, ilk oxuduğunuz xarici ədəbiyyat nümunəsi hansıdır?
– Antuan de Sent-Ekzüperi-“Balaca şəhzadə”
– Sualları cavablandırdığınız üçün təşəkkür edirik. Sağ olun! Bir daha təşəkkürlər. Var olun.